ولار جولعا تالاسىپ قالعان.
الماتىدا اۆتوبۋس جۇرگىزۋشىسىنە شابۋىل جاساعان ءبىر توپ جىگىت ىزدەستىرىلىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
وقيعا كۋاگەرلەرىنىڭ ايتۋىنشا، №50 اۆتوبۋس جۇرگىزۋشىسىنە جەڭىل كولىكتە وتىرعان ءبىر توپ جىگىت پىشاقپەن شابۋىل جاساعان.
ونىڭ ۆيدەوسى الەۋمەتتىك جەلىدە تارادى.
الماتى قالالىق پوليسيا دەپارتامەنتىنىڭ مالىمەتىنشە، 21 ءساۋىر كەشكى ساعات 19:30 شاماسىندا 102 پۋلتىنە رايىمبەك داڭعىلى مەن تورەتاي كوشەسىنىڭ قيىلىسىندا اۆتوبۋس جۇرگىزۋشىسى مەن «جيگۋلي» كولىگىنىڭ جۇرگىزۋشىسى اراسىندا جانجال تۋىنداعانى تۋرالى حابار تۇسكەن.
ولاردىڭ جولعا تالاسقانى بەلگىلى بولدى.
«اتالعان دەرەك سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك 293-بابى (بۇزاقىلىق) بويىنشا تىركەلدى. جەڭىل كولىك جۇرگىزۋشىسىنىڭ كىم ەكەنى انىقتالدى. ونى ۇستاۋ شارالارى جۇرگىزىلىپ جاتىر»، - دەپ حابارلادى ۆەدومستۆودان.