الماتىدا ساتپايەۆ كوشەسىندە ورنالاسقان ساۋدا ويىن-ساۋىق ورتالىعىنان ادامدار ەۆاكۋاسيالاندى. عيماراتتا جارىلعىش زات ورناتىلعانى تۋرالى اقپارات تۇسكەن، دەپ حابارلايدى الماتىداعى Almaty-akshamy.kz.
كۋاگەرلەردىڭ سوزىنشە، كەلۋشىلەر مەن قىزمەتكەرلەردەن شۇعىل تۇردە عيماراتتان شىعۋدى سۇراعان.
كۇتپەگەن جەردەن دابىل قاعىلدى. اكىمشىلىك ءبارىن عيماراتتان شۇعىل تۇردە ەۆاكۋاسيالادى. بۇل جەرگە پوليسيا مەن ءورت سوندىرۋشىلەردىڭ كولىكتەرى كەلدى، – دەدى ساۋدا ورتالىعىنا كەلگەن قالا تۇرعىنى.
اتالعان جاعدايعا الماتى قالاسىنىڭ پوليسيا دەپارتامەنتى تۇسىنىكتەمە بەردى.
شۇعىل ارەكەت ەتۋ قىزمەتتەرى وسى ساۋدا ورتالىعىندا تەكسەرۋ شارالارىن جۇرگىزىپ جاتىر. حابارلاما تۇسكەن ساتتەن باستاپ ادامدار ەۆاكۋاسيالاندى. قالا تۇرعىندارى مەن قوناقتارىن سابىرلىق ساقتاۋعا، تۇسىنىستىكپەن قاراۋعا شاقىرامىز، – دەدى الماتى قالاسىنىڭ پوليسيا دەپارتامەنتى.