پرەزيدەنتتىك جاستار كادرلىق رەزەرۆىنە ىرىكتەۋ قىركۇيەك-جەلتوقسان ايلارىندا وتەدى. مەملەكەتتىك قىزمەت ىستەرى اگەنتتىگىنىڭ ءتوراعاسى دارحان جازىقبايەۆ وسىلاي دەپ مالىمدەدى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
بيىلعى ىرىكتەۋدىڭ ەرەكشەلىگى – ىرىكتەۋ مەملەكەتتىك اپپاراتتىڭ سالالىق كادرلارعا قاجەتتىلىگىن ەسكەرە وتىرىپ جۇرگىزىلەدى. ىرىتەۋ ينفراقۇرىلىمدى، ونەركاسىپتى دامىتۋ جانە ساۋدا ساياساتى؛ اگروونەركاسىپتىك كەشەن جانە قورشاعان ورتانى قورعاۋ؛ سىرتقى ساياسات جانە ينۆەستيسيالار؛ ەكونوميكالىق جانە قارجىلىق ساياسات؛ سيفرلاندىرۋ؛ الەۋمەتتىك ساياسات جانە ازاماتتىق قوعام باعىتتارى بويىنشا جۇرگىزىلەدى، -دەپ مالىمدەدى سپيكەر ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
ۇمىتكەرلەرمەن اڭگىمەلەسۋ سالالىق ورتالىق ورگانداردىڭ قاتىسۋىمەن وتەدى.
ۇمىتكەرلەرگە قويىلاتىن تالاپتار:
1) ق ر ازاماتتىعى بار
2) 35 جاستان اسپاعان
3) جوعارى ءبىلىمى بار
4) 5 جىل جالپى جۇمىس تاجىريبەسى بار ازاماتتار
5) قازاق ءتىلىن ۆ1 دەڭگەيىنەن تومەن ەمەس مەڭگەرگەن ازاماتتار
ايتا وتكەن ءجون، بۇعان دەيىن ىرىكتەۋ ەكى رەت وتكىزىلدى. پرەزيدەنتتىك جاستار كادرلىق رەزەرۆىنە 2019 جىلى 300 ادام، 2021 جىلى 50 ادام قابىلداندى. ءقازىر 350 ازاماتتىڭ 75 % جۇمىسقا ورنالاستى. ولار مەملەكەتتىك ورگاندار مەن كۆازيمەملەكەتتىك سەكتور ۇيىمدارىندا جۇمىس ىستەيدى.