الماتى قالاسىنىڭ قالا قۇرىلىسىن باقىلاۋ باسقارماسى «شۇعىلا» شاعىن اۋدانىنداعى ءجۇنىسوۆ كوشەسى، 135/20 ۋچاسكەسىندە ورنالاسقان نىساننىڭ بۇزىلعانى تۋرالى حابارلايدى.
تۇرعىنداردىڭ ءوتىنىشى نەگىزىندە مەنشىك يەسىنە قاتىستى جوسپاردان تىس تەكسەرۋ جۇرگىزىلدى. تەكسەرۋ بارىسىندا تاۋنحاۋستىڭ رۇقسات بەرۋ قۇجاتتارىنىڭ تولىق پاكەتىنسىز، شارۋاشىلىق تاسىلمەن تۇرعىزىلعانى انىقتالدى.
تەكسەرۋ ناتيجەلەرى بويىنشا ۇيعارىم بەرۋ ارقىلى اكىمشىلىك شارالار قابىلداندى، ونى مەنشىك يەسى ءوز كەزەگىندە ورىندامادى. باسقارما ناۋرىزباي اۋداندىق سوتىنا نىساندى بۇزۋعا تالاپ ارىز بەردى. 2024 جىلعى 2 اقپاندا باسقارمانىڭ تالاپ-ارىزدارى قاناعاتتاندىرىلدى.
بۇزۋ ادىلەت دەپارتامەنتىنىڭ سوت ورىنداۋشىلارىنىڭ قاتىسۋىمەن باستالدى.
ەستەرىڭىزگە سالا كەتەيىك، الماتى اكىمى ەربولات دوسايەۆتىڭ زاڭسىز قۇرىلىسقا باقىلاۋدى كۇشەيتۋ جونىندەگى تاپسىرماسى اياسىندا وتكەن جىلدىڭ باسىنان بەرى 41 زاڭسىز نىسان، ونىڭ ىشىندە «مەچتا»، «KHAN»، «الما گاردەن» تۇرعىن ءۇي كەشەندەرى جانە باسقالارى تولىعىمەن نەمەسە ءىشىنارا بۇزىلعان.