الەۋمەتتىك جەلىدە حالىق جازۋشىسى مۇحتار ءماعاۋيننىڭ اتىن كوشە بەرۋ باستاماسى كوتەرىلىپ جاتىر، دەپ حابارلايدى aqshamnews.kz
"الماتىنىڭ شەتىندەگى، باياعى پەرەسەلەندەردىڭ سالعان جاپىرايعان ۇسقىنسىز ۇيلەرى ورنالاسقان قيسىق، شولاق كوشەسىنىڭ بىرىنە ەمەس، ورتالىقتاعى كوسىلىپ جاتقان داڭعىلداردىڭ بىرىنە مىسالى ، ۇزىندىعى 7000 مەتر روزىباكييەۆ اتىنداعى كوشەنى مۇحتار ماعاۋين داڭعىلى دەپ اۋىستىرۋعا كۇش سالىپ، ناتيجەسىن شىعارار. روزىباكييەۆ دەگەن ۇلتقا قانداي ەڭبەگى سىڭگەنى بەلگىسىز بىرەۋ. ۆك انىقتاماسىندا جەتىسۋدا كەلمەسكە كەتكەن سوۆەت وكىمەتىن ورناتۋ جولىنداعى كۇرەسكە قاتىسۋشى، اسكەري ريەۆوليۋسيالىق كوميتەتتىڭ مۇشەسى دەپ جازىلىپتى"، – دەپ جازدى بوتا دن اتتى ازامات.
ول سونىمەن بىرگە ماعاۋين ورتالىعىن اشۋ كەرەك دەپ ەسەپتەيدى.
"مەنىڭشە، وتە-موتە دۇرىس ۇسىنىس. ۇلتىمىزدىڭ تاريحىن تۇگەندەپ، قيلى كەزەڭنىڭ ءولاراسىنان اسا باي رۋحاني ورامىمىزدى، باعالى بەدەرىمىزدى ارشىپ العان مۇحتار اتا ماعاۋين اتىنداعى كوشە جاس ۇرپاقتىڭ ساناسىنا ساۋلە ءتۇسىرىپ، قوعامدىق قوزعالىسقا، ءوز قالامىزدىڭ تاريحي مازمۇنىن بايىتۋعا ابدەن لايىق!" – دەپ جازادى اتالعان باستامانى قولداعان جۋرناليست داستان قاستاي ءوز پاراقشاسىندا.