الماتىدا «زاڭ مەن ءتارتىپ» اكسياسى اياسىندا سىبايلاس جەمقورلىقتىڭ الدىن الۋ ماسەلەلەرى تالقىلاندى
2025 جىلعى 5 اقپاندا الماتىدا «زاڭ مەن ءتارتىپ» اكسياسى اياسىندا سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ وكىلدەرى مەدەۋ اۋدانى توتەنشە جاعدايلار باسقارماسىنىڭ جەكە قۇرامىمەن كەزدەسۋ وتكىزدى، دەپ حابارلايدى Aqshamnews.kz
كەزدەسۋدى پريەۆەنسيا باسقارماسىنىڭ باسشىسى قانات ساليمبايەۆ اشىپ، زاڭ مەن ءتارتىپتى ساقتاۋ ادىلەتتى قوعام قۇرۋدىڭ باستى نەگىزى ەكەنىن اتاپ ءوتتى. ول ادالدىق مادەنيەتىن قالىپتاستىرۋ مەن سىبايلاس جەمقورلىققا مۇلدەم توزبەۋشىلىك پرينسيپتەرىنىڭ ماڭىزدىلىعىنا ەرەكشە نازار اۋداردى.
ءىس-شارا بارىسىندا قاتىسۋشىلار بەلسەندى تۇردە سۇراقتار قويىپ، ءوز پىكىرلەرى مەن ۇسىنىستارىن ورتاعا سالىپ، ينتەراكتيۆتى پىكىرتالاسقا قاتىستى. كەزدەسۋدە «زاڭ مەن ءتارتىپ» يدەولوگياسىنىڭ نەگىزگى باعىتتارى، قازىرگى سىبايلاس جەمقورلىققا قارسى تەتىكتەر جانە ازاماتتاردىڭ وسى ۇدەرىستەگى ءرولى تالقىلاندى.
شارا سوڭىندا قاتىسۋشىلارعا سىبايلاس جەمقورلىققا قارسى قىزمەتتىڭ جۇمىسى مەن 1424 call-ورتالىعىنىڭ قىزمەتى ءتۇسىندىرىلدى.