"اتقارۋشىلىق ءىس جۇرگىزۋ تۋرالى" زاڭعا تۇزەتۋلەر ەنگىزىلگەننەن باستاپ، ورىندالعان قۇجاتتار سانى قىرىق بەس پايىزعا ارتتى
2020 جىلى سوت اكتىلەرىن ورىنداۋدىڭ تيىمدىلىگىن ارتتىرۋعا باعىتتالعان "اتقارۋشىلىق ءىس جۇرگىزۋ تۋرالى" زاڭعا تۇزەتۋلەر قابىلداندى، دەپ حابارلادى Almaty-akshamy.kz.
قولدانىستاعى زاڭنامانى بۇزعانى ءۇشىن جەكە سوت ورىنداۋشىلارىنىڭ جاۋاپكەرشىلىگى قاتاڭداتىلدى، ءبىر مەزگىلدە ۋاكىلەتتى جانە قاداعالاۋ ورگاندارىنىڭ، سونداي-اق جەكە سوت ورىنداۋشىلارىنىڭ رەسپۋبليكالىق پالاتاسىنىڭ وكىلەتتىكتەرى كۇشەيتىلىپ، كەڭەيتىلدى، دەپ حابارلادى Almaty-akshamy.kz.
«قابىلدانعان زاڭنامالىق شارالار ناقتى ورىندالعان قۇجاتتار سانىنىڭ 45 % ارتۋىنا ىقپال ەتتى»، - دەپ حابارلادى حالىققا ەسەپ بەرۋ كەزىندە ق ر ادىلەت ءمينيسترى مارات بەكەتايەۆ.
ۆەدومستۆو باسشىسىنىڭ ايتۋىنشا، بىرنەشە جىل بويى جۇرگىزىلىپ جاتقان دايەكتى رەفورما جانە اتقارۋشىلىق ءىس جۇرگىزۋدىڭ ەلەكتروندىق فورماتقا كوشۋى ءوزىنىڭ قابىلەتتىلىگىن كورسەتتى.
ەلدەگى توتەنشە جاعداي كەزەڭىندە اتقارۋشىلىق ءىس جۇرگىزۋ ورگاندارىنىڭ اۆتوماتتاندىرىلعان اقپاراتتىق جۇيەسى ماجبۇرلەپ ورىنداۋ شارالارىن ۇزدىكسىز قابىلداۋعا جاعداي جاسادى. «حالىققا اتقارۋشىلىق ءىس جۇرگىزۋ تاراپتارىنىڭ كابينەتى ارقىلى اتقارۋشىلىق قۇجاتتاردى ونلاين رەجيمدە بەرۋ مۇمكىندىگى بەرىلدى»، - دەدى مارات بەكەتايەۆ.