وزبەكستان ازاماتى 126-شى باعىت بويىنشا جولاۋشىلاردى تاسىمالداعان.
بۇل دەرەكتى اۋەزوۆ اۋدانىنىڭ پوليسەيلەرى “ءقاۋىپسىز جول” ايلىعى بارىسىندا انىقتادى.
«تەكسەرۋ كەزىندە جۇرگىزۋشىدە وزىمەن بىرگە جەكە باسىن راستايتىن قۇجاتتارى دا، جۇرگىزۋشى كۋالىگى دە بولمادى. ەر ادام ولاردى جۇمىس ورنىندا ۇمىتىپ كەتكەنىن ايتتى. بۇل – زاڭ تالاپتارىن انىق ەسكەرمەۋ جانە سونىڭ سالدارىنان جولاۋشىلاردىڭ قاۋىپسىزدىگىنە قاتەر ءتوندىرۋ. جۇرگىزۋشى مەن اۆتوپارك باسشىلىعىنا قاتىستى اكىمشىلىك شارا قولدانىلدى»، – دەدى الماتى قالالىق پد اكىمشىلىك پوليسيا باسقارماسى باستىعىنىڭ ورىنباسارى داۋلەت سەيىتقۇلوۆ.
سونىمەن قاتار، پوليسيا الماتىدا 19 شىلدە مەن 18 تامىز ارالىعىندا «”ءقاۋىپسىز جول” رەسپۋبليكالىق ايلىعى ءوتىپ جاتقانىن ەسكە سالدى. پوليسيا جول-كولىك وقيعالارىن ازايتۋعا جانە جول-كولىك وقيعالارىنىڭ الدىن الۋعا، وعان قاتىسۋشىلار اراسىندا جول قوزعالىسى قاۋىپسىزدىگى تالاپتارىنىڭ ساقتالۋىن قاداعالاۋعا، ءتيىستى قوعامدىق ءتارتىپتى، جول قاۋىپسىزدىگىن قامتاماسىز ەتۋگە، سونداي-اق قىلمىستار مەن باسقا دا زاڭسىز كورىنىستەردىڭ دەر كەزىندە الدىن الۋعا جانە جولىن كەسۋگە ەرەكشە كوڭىل بولەدى. قوعامدىق كولىكتەر اراسىندا جول قاۋىپسىزدىگىنىڭ الدىن الۋ بويىنشا جۇمىستار كۇشەيتىلدى.