كەلەسى جىلعا دەيىن 920 ورىندىق 4 بالاباقشا سالۋ جوسپارلانىپ وتىر.
الماتىدا 7 500 ورىندىق 5 مەكتەپتىڭ قۇرىلىسى جىل سوڭىنا دەيىن اياقتالادى. بۇل تۋرالى قۇرىلىس باسقارماسىنىڭ ماماندارى مالىمدەدى، دەپ حابارلايدى Almaty-akshamy.kz.
ءقازىردىڭ وزىندە شاھاردا الەۋمەتتىك نىسانداردىڭ قۇرىلىسى قارقىندى ءجۇرىپ جاتىر. ماسەلەن، كەلەسى جىلعا دەيىن 920 ورىندىق 4 بالاباقشا سالۋ دا جوسپاردا بار. ودان بولەك، مەكتەپ پەن مەكتەپكە دەيىنگى وقۋ نىساندارىندا سەيسميكالىق كۇشەيتۋ جۇمىستارى جۇرگىزىلىپ جاتىر.
«وقۋ ورىندارىنىڭ تاپشىلىعى بولعاندىقتان، 8 مەكتەپتىڭ قۇرىلىسىن باستاعانبىز. سونىڭ ۇشەۋى 5100 ورىندىق مەكتەپ وقۋ جىلىنىڭ باسىندا قولدانىسقا بەرىلەدى. جىلدىڭ اياعىنا دەيىن 7500 ورىندىق 5 مەكتەپتىڭ قۇرىلىسى جۇرگىزىلىپ جاتىر»، – دەدى قۇرىلىس باسقارماسى باسشىسىنىڭ ورىنباسارى ولجاس تاجىبايەۆ.