باس جانە مويىن قاتەرلى ىسىگى – بۇل اۋىز، جۇتقىنشاق پەن وڭەش ىسىگىنىڭ ەڭ كەڭ تارالعان، باس مەن مويىن اعزالارىنىڭ 30-دان استام وشاعى بار ىسىكتەر توبى. №8 قالالىق ەمحانا ونكولوگى گۇلنۇر باشاروۆانىڭ ايتۋىنشا، مۇنداي ىسىكتەردىڭ جاڭا جاعدايلارى ءجيى كەزدەسەدى، ءبىراق قاراپايىم ەرەجەلەردى ساقتاي وتىرىپ، ولاردىڭ دامۋ ءقاۋپىن ەداۋىر ازايتۋعا بولادى.
دارىگەر قاتەرلى ىسىكتىڭ پايدا بولۋىنىڭ نەگىزگى فاكتورلارىنىڭ ءبىرى تەمەكى شەگۋ، سونىڭ ىشىندە ءپاسسيۆتى جانە الكوگولدى شامادان تىس تۇتىنۋ ەكەنىن ايتىپ وتىر. سوندىقتان جامان ادەتتەردەن باس تارتۋ ءومىر ساپاسىن ەداۋىر جاقسارتاتىنىن دا ەسكە سالادى.
– تاعى ءبىر قاراپايىم ەرەجە – ءوزىڭىزدى كۇن ساۋلەسىنەن قورعاۋ. جازدا SPF 30 نەمەسە ودان جوعارى ىستىقتا شلياپالار مەن كۇننەن قورعايتىن كوزىلدىرىك كيگەن دۇرىس. بۇل – باس پەن مويىن قاتەرلى ىسىگىنىڭ عانا ەمەس، سونىمەن قاتار تەرىنىڭ قاتەرلى ىسىكتەرىنىڭ دە الدىن الۋ قادامى. تەڭدەستىرىلگەن ديەتا تۋرالى دا ۇمىتپاۋ كەرەك. بەلسەندى ءومىر سالتىن ۇستانۋ، دۇرىس تاماقتانۋ پرينسيپتەرىن ساقتاۋ بۇكىل دەنەگە پايدالى. ا، س جانە ە سياقتى بەلگىلى ءبىر دارۋمەندەردىڭ جەتىسپەۋشىلىگى يممۋندىق جۇيەنى السىرەتىپ، قاتەرلى ىسىك ءقاۋپىن ارتتىرادى، – دەدى گۇلنۇر باشاروۆا.
سونداي-اق، دارىگەر اۋىز قۋىسىنىڭ گيگيەناسىن ساقتاۋدىڭ جانە جىلىنا ەكى رەت ءتىس دارىگەرىنە ۇنەمى بارۋدىڭ ماڭىزدىلىعىن اتاپ ءوتتى. ايتا كەتۋ كەرەك، كەيبىر ينفەكسيالار، مىسالى، ادام پاپيللوماۆيرۋسى باس جانە مويىن قاتەرلى ىسىگىنىڭ دامۋ ءقاۋپىن ارتتىرۋى مۇمكىن. تۇراقتى تەكسەرۋلەر ينفەكسيادان تۋىنداعان اۋرۋلاردى ۋاقىتىندا انىقتاۋعا كومەكتەسەدى.
قاتەرلى ىسىكتەردىڭ الدىن الۋ بويىنشا ۇلكەن جۇمىس – تەكسەرۋ جۇرگىزىلەدى. مۇندا پاسيەنتتەر ەمحاناعا العاشقى بارعان كەزدە جىبەرىلەدى. وندا ارنايى دايىندالعان فەلدشەرلەر ۆيزۋالدى قولجەتىمدى لوكاليزاسيالاردى تەكسەرەدى، سونىڭ ىشىندە باس پەن مويىن تەرىسىن، قالقانشا بەزدى پاتولوگياعا تەكسەرەدى.
– ەرتە دياگنوستيكا – ءارقاشان ناتيجەلى. ياعني شاعىمدار پايدا بولا باستاعاننان ونكولوگپەن كەڭەسۋ كەرەك. دالىرەك ايتساق، اۋىزدا نەمەسە تىلدە پايدا بولعان وزگەشە جارالار، مويىننىڭ نەمەسە بەتتىڭ ىسىكتەرى، داۋىستىڭ قارلىعۋى نەمەسە تىنىس الۋدىڭ قيىنداۋى، جاعىمسىز ءيىس، جۇتقىنشاقتا كەسەك تۇرعانداي سەزىم، سالماق جوعالتۋ، مۇرىننان قان كەتۋ، قۇلاقتىڭ تۇراقتى اۋىرۋى، بەت سەزىمتالدىعىنىڭ جوعالۋى، مىنە، وسىنداي جايسىزدىقتاردى سەزىنسەڭىز، دەرەۋ دارىگەردىڭ الدىنان تابىلىڭىز، – دەيدى گۇلنۇر باشاروۆا.