الماتى پروكۋراتۋراسى ەكى مەكتەپ وقۋشىسىنىڭ وزىنە قول جۇمساۋ ءىسى بويىنشا بەس ايدان بەرى جۇرگىزىلىپ جاتقان تەرگەۋ بارىسى تۋرالى پىكىر ءبىلدىردى، دەپ حابارلايدى aqshamnews.kz.
رەسمي سۇراۋعا جاۋاپ رەتىندە قالالىق پروكۋراتۋرا مەكتەپ وقۋشىلارىنىڭ سۋيسيد جاساۋ وقيعاسى بويىنشا قىلمىستىق ءىس قازاقستان رەسپۋبليكاسى باس پروكۋراتۋراسىنىڭ سوتقا دەيىنگى تەرگەۋ قىزمەتى وندىرىسىندە ەكەنىن حابارلادى.
"قازىرگى ۋاقىتتا سوتقا دەيىنگى تەرگەۋ جالعاسىپ جاتىر. قىلمىستىق قۋدالاۋ ورگانى وقيعانىڭ بارلىق ءمان-جايىن قازاقستان رەسپۋبليكاسى قىلمىستىق-پروسەستىك كودەكسىنىڭ 24-بابىنىڭ تالاپتارىنا سايكەس انىقتاپ جاتىر"، – دەدى الماتى پروكۋرورىنىڭ ورىنباسارى اسحات ءشارىپوۆ.
16 قىركۇيەكتە الماتىداعى تۇرعىن ءۇيدىڭ جانىنان ەكى وقۋشى قىزدىڭ ءمايىتى تابىلعان ەدى. قايعىلى وقيعا المالى اۋدانىندا بولعان.
العاشقى اقپارات الەۋمەتتىك جەلىلەردە تارادى، وندا قىزداردىڭ پاتەر تەرەزەسىنەن قۇلاپ كەتكەنى تۋرالى بولجامدار ايتىلعان. سونداي-اق، بۇل قايعىلى وقيعانىڭ "ءقاۋىپتى" ونلاين ويىندار مەن ەرەكشە ادەبيەتتەرمەن بايلانىسى بولۋى مۇمكىن دەگەن پىكىرلەر پايدا بولدى. كەيىن الماتى پوليسياسى مەكتەپ وقۋشىلارىنىڭ قايتىس بولعانىن راستادى. المالى اۋدانىنىڭ پوليسيا باسقارماسى قىلمىستىق ءىس قوزعاپ، وقيعانىڭ سەبەبى مەن ءمان-جايىن انىقتاي باستادى.
ىشكى ىستەر ءمينيسترىنىڭ ورىنباسارى يگور لەپەحا بۇل وقيعانىڭ سۋيسيد ەكەنىن مالىمدەپ، "ءوزىن-وزى ولتىرۋگە دەيىن جەتكىزۋ" بابى بويىنشا قىلمىستىق ءىس قوزعالعانىن حابارلادى.