الماتىداعى «وڭتۇستىك» ساياباعى مەملەكەتتىك مەنشىككە قايتارىلدى

بۇل جەر 2007 جىلى جەكە مەنشىككە بەرىلگەن.

الماتىدا «وڭتۇستىك» ساياباعىنىڭ جەر تەلىمىن مەملەكەتتىك قاجەتتىلىك ءۇشىن قايتارىپ الۋ ءراسىمى اياقتالدى، دەپ حابارلايدى Almaty-akshamy.kz

ەسكە سالساق، 2007 جىلى بوستاندىق اۋدانىنداعى سي سينحاي كوشەسىنىڭ وڭتۇستىگىندە، جاروكوۆ كوشەسىنىڭ شىعىسىندا (كاد. № 20-313-011-518) جەر تەلىمى كوپ قاباتتى تۇرعىن ءۇي سالۋ جانە پايدالانۋ ءۇشىن «Turkuaz Invest» ج ش س جەكە مەنشىگىنە بەرىلگەن بولاتىن (الماتى قالاسى اكىمدىگىنىڭ 08.11.2007 ج. №9/1097-39 قاۋلىسى). كەيىن ۋچاسكە «Jusan Property» جشس-نە بەرىلدى.

الماتى اكىمى ەربولات دوسايەۆتىڭ بوستاندىق اۋدانى تۇرعىندارىمەن كەزدەسۋلەرىنىڭ بىرىندە قالا تۇرعىندارىمەن اتالعان جەر ۋچاسكەسىن مەملەكەتتىك مەنشىككە الۋ جانە ساياباققا اباتتاندىرۋ جۇمىستارىن جۇرگىزۋ قاجەتتىلىگى تۋرالى باستاما  كوتەرىلگەن بولاتىن.

2022 جىلعى 5 قازاندا الماتى قالاسى مامانداندىرىلعان اۋدانارالىق ەكونوميكالىق سوتىنىڭ شەشىمىمەن اكىمدىكتىڭ جەر ۋچاسكەسىن مەملەكەت قاجەتتىلىگىنە قايتارۋ جونىندەگى تالابى قاناعاتتاندىرىلدى، وتەماقى سوماسى 2 338 817 000 تەڭگە مولشەرىندە ايقىندالدى (ساراپشىلاردىڭ 2022 جىلعى 21 قىركۇيەكتەگى № 5386 قورىتىندىسىنا سايكەس). 2022 جىلعى 22 جەلتوقساندا الماتى قالالىق سوتى ءبىرىنشى ساتىداعى سوتتىڭ شەشىمىن وزگەرىسسىز قالدىردى. 2023 جىلعى 13 قاڭتاردا وتەماقى سوماسى «Jusan Property» جشس-نە اۋدارىلدى.

قازىرگى كەزدە الماتى قالاسىنىڭ ەكولوگيا جانە قورشاعان ورتا باسقارماسى «وڭتۇستىك» ساياباعىن اباتتاندىرۋ بويىنشا جوبالاۋ-سمەتالىق قۇجاتتامانى ازىرلەۋ ءۇشىن قاجەتتى قۇجاتتاردى دايىنداۋدا.