ءوزىن-وزى دامىتۋ كۋرستارى: «تاۋەلسىز ءومىر مەكتەبى» جانە «TenQogam» جوباسى.
الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى دانيار الكەباي ۇلى وڭىرلىك كوممۋنيكاسيالار قىزمەتى الاڭىندا سويلەگەن سوزىندە مۇمكىندىگى شەكتەۋلى جانداردىڭ قوعامعا ارالاسۋىنا قالاي كومەكتەسەتىنىن ايتىپ بەردى، دەپ حابارلايدى Almaty-akshamy.kz.
«قالامىزدا مۇمكىندىگى شەكتەۋلى جانداردى الەۋمەتتەندىرۋ جانە ولاردىڭ جۇمىسقا ورنالاسۋىنا كومەكتەسۋ ماقساتىندا «TenQogam» مۇگەدەك ادامداردى الەۋمەتتىك قولداۋ ورتالىعى» جوباسى جۇزەگە اسىرىلۋدا. ورتالىق ماماندارى جۇمىسقا ورنالاسۋدىڭ باستاپقى كەزەڭىندە ءوز قامقورلىعىنداعى ادامداردى ەرتىپ جۇرەدى»، - دەيدى دانيار الكەباي ۇلى.
سونىمەن قاتار، الماتىدا مۇگەدەكتىگى بار ادامداردىڭ ماسەلەلەرىن الەۋمەتتەندىرۋگە جانە شەشۋگە كومەكتەسەتىن زاڭگەرلەر، پسيحولوگتار، كەڭەسشى ماماندار جۇمىس ىستەيدى. ولاردىڭ جەكە تۇلعا رەتىندە ءوسۋى، جۇمىسقا ورنالاسۋى، كاسىپكەرلىك بويىنشا كۋرستار مەن شەبەرلىك سىنىپتارىندا ونلاين-وقىتۋدان ءوتۋى كەزىندە مامانداردىڭ كومەگى اسا قاجەت. جارتى جىل ىشىندە 424 مۇگەدەكتىگى بار ادام وسى قىزمەتتەردى الدى.
«مۇمكىندىگى شەكتەۋلى ادامدارعا ءوز بويىنداعى قورقىنىش پەن سەنىمسىزدىكتى جەڭۋگە، ءوزىن-وزى باعالاۋعا كومەكتەسەتىن «تاۋەلسىز ءومىر مەكتەبى» جوباسىن جۇزەگە اسىرۋ جالعاسۋدا. جوبا اياسىندا «اق باستاۋ» پانسيوناتىندا تۇرىپ جانە بارىپ وقىتاتىن اپتالىق كۋرستار وتكىزىلىپ تۇرادى. جىل سوڭىنا دەيىن 128 ادام كۋرستا ءبىلىم الادى دەپ جوسپارلاپ وتىرمىز. بۇگىنگى تاڭدا «مەكتەپتەن» 112 ادام ءوتتى»، - دەپ مالىمدەدى سپيكەر.
مۇگەدەكتىگى بار ادامدارعا، مۇگەدەك بالالارعا، زەينەتكەرلەرگە جانە ومىرلىك قيىن جاعدايعا تاپ بولعان ادامدارعا ارناۋلى الەۋمەتتىك قىزمەتتەر كورسەتۋگە ۆەدومستۆوعا تيەسىلى 10 مەديسينالىق-الەۋمەتتىك مەكەمە جاۋاپ بەرەدى. سونىمەن قاتار، مەملەكەتتىك الەۋمەتتىك تاپسىرىس اياسىندا 17 ۇكىمەتتىك ەمەس ۇيىم قىزمەت كورسەتەدى.
جارتى جىل ىشىندە بۇل قىزمەت 7 040 ادامعا كورسەتىلدى.