جۇمىسسىزدار ءۇشىن قىسقا مەرزىمدى ءۇش ايلىق كۋرستار ۇيىمداستىرىلعان.
بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى قالالىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ ورىنباسارى دانيار الكەباي ۇلى مالىمدەدى، دەپ حابارلايدى Almaty-akshamy.kz
«وسى جىلدىڭ 6 ايىندا 12،5 ملرد تەڭگە تولەندى، حالىقتىڭ الەۋمەتتىك قورعالماعان توپتارىنا جاتاتىن 137 مىڭ ادامعا كومەك كورسەتىلدى»، - دەدى سپيكەر.
بيىل حالىقتى جۇمىسپەن قامتۋ ورتالىعىنا 21 400 قالا تۇرعىنى ءوتىنىش ءبىلدىردى، ونىڭ 16 مىڭى جۇمىسقا ورنالاستىرىلدى. سونداي-اق، دانيار الكەباي ۇلى «جاستار تاجىريبەسى» باعدارلاماسىنىڭ قالاي جۇزەگە اسىرىلىپ جاتقانىن حابارلادى. الماتى اكىمى جاس مامانداردىڭ ەڭبەكاقىسىن 122 مىڭ تەڭگەگە دەيىن ارتتىرۋدى تاپسىرعانىن حابارلادى.
باسقارما وكىلى جۇمىسسىزدار ءۇشىن سۇرانىسقا يە ماماندىقتار بويىنشا قىسقا مەرزىمدى 3 ايلىق كۋرستار ۇيىمداستىرىلعانىن دا ايتتى. سونىمەن قاتار، وقۋ بارىسىندا ولاردىڭ بارلىعىنا 21 مىڭ تەڭگە كولەمىندە شاكىرتاقى بەرىلەدى. بيىلعى جىلى 647 الماتىلىق كاسىپتىك وقۋعا جولداما الدى.