كارانتين تالاپتارىن ورەسكەل بۇزۋشىلارعا قاتىستى 74 ماتەريال سوتقا جولدانعان.
الماتىداعى مونيتورينگتىك توپتار 31 مامىردان 4 ماۋسىمعا دەيىن 82 رەيد جۇرگىزدى، ونىڭ بارىسىندا 815 نىسان تەكسەرۋدەن ءوتتى، دەپ حابارلايدى Almaty-akshamy.kz.
تەكسەرۋ بارىسىندا كارانتيندىك شارالاردى بۇزعان 31 (3،8%) نىسان انىقتالدى. ولارعا 56 حاتتاما جاسالدى، ونىڭ ىشىندە زاڭدى تۇلعالارعا 4 360 915 تەڭگە سوماسىنا 13 ايىپپۇل سالىندى، جەكە تۇلعالارعا قاتىستى ماسكا رەجيمىن بۇزعانى ءۇشىن 1 881 465 تەڭگە سوماسىنا 43 حاتتاما جاسالدى. ارنايى اۋدانارالىق ەكونوميكالىق سوتىنا 425-باپ 1 ب. بويىنشا 1 ماتەريال بەرىلدى: مەدەۋ اۋدانى بويىنشا: Ruanysh Grand Hall بانكەت زالى، ا.ن. مۇحامەتجان جك.
جىل باسىنان بەرى مونيتورينگتىك توپتاردىڭ مۇشەلەرى 23 مىڭنان استام نىساندى تەكسەردى، ولاردا 2200-دەن استام كارانتين شارالارىن بۇزۋشىلىق انىقتالدى. كارانتين تالاپتارىن ورەسكەل بۇزۋشىلارعا قاتىستى 74 ماتەريال سوتتارعا جولداندى، ولاردىڭ 54ء-ى بويىنشا قىزمەتتى توقتاتا تۇرۋ تۋرالى شەشىم قابىلداندى. بيىلعى جىلى كارانتيندى بۇزۋشىلارعا قاتىستى بارلىعى 4409 حاتتاما تولتىرىلدى. ولاردىڭ ىشىندە زاڭدى تۇلعالارعا 402 جانە جەكە تۇلعالارعا 4007 حاتتاما تولتىرىلدى.