قالامىزدىڭ ءىرى ساۋدا ورىندارىندا اشىلعان ۆاكسينا پۋنكتتەرىندە تۇرعىنداردى ىنتالاندىرۋ مەن سىيلىق تاراتۋ جالعاسىپ جاتىر.
Sputnik Mall سوسو، Car City ساۋدا كەشەنى مەن الماتى قالاسىنىڭ تيگروحاۋد ساۋدا ۇيىندە ۆاكسينا العاندار اراسىندا جۇلدەلى ۇتىس ويىندارى اياقتالدى. ءىس-شاراعا اۋەزوۆ اۋدانى اكىمدىگىنىڭ قولداۋىمەن كاسىپكەرلەر باستاماشىلىق ەتتى، دەپ حابارلايدى Almaty-akshamy.kz اكىمدىكتىڭ باسپا ءسوز قىزمەتىنە سىلتەمە جاساپ.
اكسيانى ۇيىمداستىرۋشىلاردىڭ ايتۋىنشا، ۇتىس ويىندارى «ۆاكسينا ال دا – سىيلىق ال» ۇرانىمەن ءوتتى.
«الماتى قالاسى ۇزاق ۋاقىت «قىزىل» ايماقتا بولدى، ءبىز ادامداردى ۆاكسينامەن قامتۋ كەرەك دەپ شەشتىك. ۇجىمدىق يممۋنيتەتتى قالىپتاستىرۋ ءبىزدىڭ ورتاق مۇددەمىز. ءۇش ساۋدا-ويىن-ساۋىق ورتالىعى مەن ساۋدا ءۇيى اكىمشىلىگىنىڭ وكىلدەرى بۇل يدەيانى قولداپ، ۇتىس ويىنىن وتكىزۋگە كومەكتەستى»، - دەپ حابارلادى اۋەزوۆ اۋدانى اكىمدىگى.
Sputnik Mall سوسو-دا تۇرمىستىق تەحنيكا مەن ۇيالى تەلەفون ويناتىلدى. جەڭىمپازداردىڭ ءبىرى الماتىلىق اناستاسيا سولوۆيەۆا بولدى. اناستاسيا كسياومي رەدمي نوتا 9 ۇيالى تەلەفونىن جەڭىپ الدى.
«مەن ۆاكسينا الۋعا كەلدىم، ۇتىس ويىنى جايلى بىلمەدىم. مەن ءۇشىن جۇلدەنى جەڭىپ الۋ كۇتپەگەن جەردەن بولدى. ۇجىمعا العىس بىلدىرەمىن»، - دەپ اناستاسيا ءوز اسەرىمەن ءبولىستى.
Car City سك مەن تيگروحاۋد ءسۇ ۆاكسينا العان قالا تۇرعىندارى ەلەكتروساموكات، ۇيالى تەلەفوندار، سىمسىز قۇلاققاپتار، ميكروتولقىندى پەشتەر، شاڭسورعىشتار، ۇتىكتەر، فەندەر، ەلەكتر شاينەكتەرى، اۆتوبولشەكتەر، اۆتو اكسەسسۋارلار، كينوتەاترعا بيلەتتەر ۇتىپ الدى.
ايتا كەتسەك، قوعامدىق دەنساۋلىق باسقارماسىنىڭ مالىمەتىنشە، بۇگىنگى تاڭدا الماتىدا 316 407 ادام ەكپە الدى. الماتىلىقتار ءۇش ۆاكسينانىڭ ءبىرىن تاڭداي الادى: سپۋتنيك-V، QazVac، Hayat-Vax.
مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلار مەن سوسو-دا (250-گە دەيىن ۇلعايتۋ مۇمكىندىگىمەن) 211 ۆاكسينا پۋنكتى جۇمىس ىستەيدى. 1 257 ادامنان 304 ەكپە بريگادالارى بار.