كوروناۆيرۋسپەن اۋىرىپ جاتقانداردىڭ 35%-ى - 20 مەن 40 جاس ارالىعىنداعى ازاماتتار.
كۆي-مەن اۋىراتىنداردىڭ 32%-ى - جۇمىس ىستەمەيتىن الماتىلىقتار، دەپ حابارلايدى Almaty-akshamy.kz.
ۆيرۋس جۇقتىرۋ كورسەتكىشى وتباسىلىق ءىس-شارالارعا قاتىسۋ كەزىندە جۇقتىرۋ 2،1%-عا، قوعامدىق كولىكتە 1،7%-عا جانە ساۋدا ويىن-ساۋىق ورتالىقتارى، ساۋدا ۇيلەرى جانە باسقا دا ساۋدا ورتالىقتارىندا 0،7%-عا، دەمالىس ساياباقتارىندا، جاياۋ جۇرگىنشىلەر كوشەلەرىندە 0،2%-عا وسكەنى نازار اۋدارۋعا تۇرارلىق.
ازاماتتاردىڭ كوروناۆيرۋس جۇقتىرۋى قوعامدىق تاماقتانۋ وبەكتىلەرىندە (اسحانا ۇلگىسىندەگى وبەكتىلەر ەسەبىنەن)، بانكتەردە، پوشتالاردا، حالىققا قىزمەت كورسەتۋ ورتالىقتارىندا (0،1%-عا) ازداپ ءوستى. ASHYQ جوباسىنا قاتىسۋشى وبەكتىلەردە جۇقتىرۋ جاعدايلارى تىركەلمەگەن، وندا تەك جاسىل جانە كوك مارتەبەسى بار ادامدارعا عانا كىرۋگە رۇقسات ەتىلگەن.
كۆي-مەن اۋىراتىن ناۋقاستاردىڭ جاس ساناتتارى: سوڭعى 2 اپتانىڭ دەرەكتەرى بويىنشا نەگىزىنەن 20-دان 40 جاسقا دەيىنگى ازاماتتار – 35% جانە 40-تان 60 جاسقا دەيىنگى ازاماتتار - 26%، ولار كوبىنەسە ەكپە العىسى كەلمەيدى. بۇل رەتتە الدىڭعى اپتادا 40-60 جاس اراسىنداعى ازاماتتار بەلسەندى تۇردە ەكپە الۋدى باستاعان. سونداي-اق 60 جاستان اسقان ادامدار اراسىندا سىرقاتتانۋ 1%-عا تومەندەگەن.
جۇمىسسىز تۇرعىندار اراسىندا كۆي-دىڭ ەڭ كوپ تىركەلگەن – 32%، ءتۇرلى ج ش س، جك، اق قىزمەتكەرلەرى – 22%، زەينەتكەرلەر – 19%، وقۋشىلار – 7% جانە مەكتەپ جاسىنا دەيىنگى بالالار – 5%. حالىقتىڭ اتالعان ساناتتارىنىڭ جالپى ۇلەسى 85%-دى قۇرايدى.