الماتىدا «ازيا داۋىسى» فەستيۆالى قايتا وتكىزىلە باستايدى

بۇل تۋرالى قالا اكىمى ەربولات دوسايەۆ ءمالىم ەتتى. 

الماتى اكىمى ەربولات دوسايەۆ «ازيا داۋىسى» جانە باسقا دا مۋزىكالىق فەستيۆالدەردى جاڭعىرتۋ جوسپاردا بار ەكەنىن اتاپ ءوتتى، دەپ حابارلايدى Almaty-akshamy.kz.

قالا اكىمىمەن كەزدەسۋگە كەلگەن اۋەزوۆ اۋدانى تۇرعىندارىنىڭ ءبىرى الماتىدا وتەتىن مادەني ءىس-شارالارعا قاتىستى سۇراق قويدى.

«مەن جاقىندا ديماش قۇدايبەرگەننىڭ كونسەرتىنە باردىم. 30 مىڭنان استام ادام بولدى، ونىڭ جارتىسى – تۋريست. وسىنداي كونسەرتتەردىڭ ءجيى وتكىزىلىپ تۇرعانىن قالايمىن، وسىلايشا قالانىڭ مۋزىكالىق استاناعا اينالۋىنا مۇمكىندىك تۋادى – ادامدار كەلەدى، جۇمىس ورىندارى اشىلادى. بىزدە تانىمال ديدجەي يمانبەك بار، ونى دا شاقىرۋعا بولادى. الماتىنىڭ مادەنيەت پەن مۋزىكانى دامىتۋعا مۇمكىندىكتەرى بار دەپ ويلايمىن»، - دەدى ول.

ەربولات دوسايەۆ مادەنيەت جانە سپورت مينيسترلىگىمەن بىرلەسە وتىرىپ، «ازيا داۋىسى» جانە باسقا دا مۋزىكالىق فەستيۆالدەردى جاڭعىرتۋ جوسپاردا بار ەكەنىن اتاپ ءوتتى.

«ءماسليحات قولداعان الماتى قالاسىن دامىتۋ باعدارلاماسىندا اۋقىمدى جوسپارلار بار. جىل سايىن ادامدار بىزگە كەلۋى ءۇشىن كەم دەگەندە 30 تۇراقتى ءىس-شارانى جوسپارلاپ وتىرمىز. مادەنيەت جانە سپورت مينيسترلىگىمەن بىرلەسە وتىرىپ، «ازيا داۋىسى» جانە باسقا دا تاريحي قالىپتاسقان مۋزىكالىق فەستيۆالدار مەن ءىس-شارالاردى جاڭعىرتۋ كوزدەلگەن. ديماش قۇدايبەرگەننىڭ كونسەرتىنە كەلەر بولساق، بۇل – ورتالىق ستاديوندا سوڭعى 25 جىلدا العاش رەت جاسالعان ەكسپەريمەنت. وتە جاقسى ءوتتى. «مەدەۋدەگى» فەستيۆالدى قايتارعىمىز كەلەدى. ۇسىنىسىڭىزعا راحمەت!» - دەدى شاھار باسشىسى.