پوليسيا قىزمەتكەرلەرى المالى اۋدانىنداعى مەشىتتەردەگى ءتورت ۇرلىقتىڭ بەتىن اشتى.
وسى قىلمىستى جاسادى دەگەن كۇدىكپەن الماتى وبلىسىنىڭ 40 جاستاعى تۇرعىنى ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ب.ەسىمدى ازامات ۇرلىق جاساعان كەزدە بەينەباقىلاۋ كامەرالارىنا ءتۇسىپ قالعان. زارداپ شەككەندەردىڭ ءبىرىنىڭ ايتۋىنشا، ناماز كەزىندە بەلگىسىز بىرەۋ ونىڭ جەكە مۇلكىن ۇرلاپ، 200 مىڭ تەڭگە كولەمىندە ماتەريالدىق شىعىن كەلتىرگەن. قاسكويدىڭ وسىعان ۇقساس 4 ۇرلىققا قاتىسى بارى بەلگىلى بولدى. اتالعان دەرەكتەر ءبىر وندىرىسكە بىرىكتىرىلىپ، سوتقا دەيىنگى تەرگەۋ امالدارى جۇرگىزىلىپ جاتىر. ۇستالعان ادام ءوز كىناسىن مويىندادى»، – دەدى المالى اۋداندىق پب-عا قاراستى پوليسيا ءبولىمىنىڭ باستىعى باتۇرجان ءابدىماساروۆ.
قازاقستان ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.