الماتى قالاسى المالى اۋداندىق سوتىندا ابايسىزدا ادام ولتىرگەن پوليسەيگە قاتىستى قىلمىستىق ءىستى قاراۋ اياقتالدى، دەپ حابارلايدى Almaty-akshamy.kz.
2023 جىلدىڭ جازىندا سوتتالۋشى ك. عيماراتتى كۇزەتۋ ماقساتىمەن، پوليسيا دەپارتامەنتىنىڭ عيماراتىنا كەلگەن. سوتتالۋشىنىڭ ارىپتەسى قىزمەتتىك قارۋدى العاننان كەيىن، ك.-دان بەلبەۋىن بايلاۋ ءۇشىن قارۋدى ۇستاي تۇرۋىنا سۇراعان. سوتتالۋشى بولسا قىزمەتتىك قارۋدى قولىنا الىپ، ونى قولدانۋدىڭ ەرەجەلەرىن ەلەمەي، قارۋدى جوعارى-تومەن سەرمەي باستايدى. ابايسىزدا قارسى تۇرعان ارىپتەسىنىڭ باسىنان اتىپ، سوڭعىسى وقيعا ورنىندا جان تاپسىرعان.
«سوت ۇكىمىمەن سوتتالۋشى ك.-نى قك 104-بابىنىڭ 1-بولىگىمەن 1 جىل 6 ايعا باس بوستاندىعىنان ايىرىلدى. جابىرلەنۋشىنىڭ پايداسىنا مورالدىق شىعىن ءۇشىن 10 ميلليون تەڭگە جانە ماتەريالدىق شىعىن ءۇشىن 3،5 ميلليون تەڭگە ءوندىرىلدى»، - دەپ كورسەتتى الماتى سوتى.
ۇكىم زاڭدى كۇشىنە ەنگەن جوق جانە وعان اپەللياسيالىق تارتىپپەن شاعىم جاسالۋى مۇمكىن.