جامبىل اتىنداعى قالالىق جاسوسپىرىمدەر كىتاپحاناسىندا قازاقستان جازۋشىلار وداعىنىڭ مۇشەسى، مادەنيەت سالاسىنىڭ ۇزدىگى، حالىقارالىق پوەزيا اكادەمياسىنىڭ اكادەميگى ەربول بەيىلحاننىڭ «اقىن ەكەن - تاعدىرىم»... اتتى پوەتيكالىق كەزدەسۋ كەشى ءوتتى.
اقىننىڭ 50 جاسقا تولۋىنا وراي ۇيىمداستىرىلعان بۇل كەشتە مەكتەپ وقۋشىلارى مەن ستۋدەنتتەر اقىننىڭ شىعارمالارىنان شاعىن كومپوزيسيالىق كورىنىستەر قويىپ، ولەڭدەرىن وقىدى، دەپ حابارلايدى Almaty-akshamy.kz.
اتالمىش كەشكە الماتى قالاسىندا تۇراتىن اقىن-جازۋشىلار، زيالى قاۋىم وكىلدەرى مەن ولەڭ سۇيەر وقىرماندار قاتىسىپ، ىزگى تىلەكتەرىن جولداپ، شىعارماشىلىعىنا توقتالدى. كەشتە ءسوز العان اقىن-جازۋشىلار: باقىتبەك ءبامىش ۇلى، ءدىلدار مامىربايەۆا، التىنشاش جاقيانوۆا، الىبەك شەگەباي، بەكجان اشىربايەۆ، باقىتجان الديار، داۋرەن بەرىكقاجى، جاكەن ومار، قالماحانبەت مۇقامەتقالي، ىرىسبەك دابەي، ءتوقتارالى تاڭجارىق، ەرعالي باقاش، باۋىرجان ءالقوجا، جازيرا احمەتوۆا، گۇلجان امانگەلدى قىزى، دينارا مالىك ت.ب ازاماتتار ەربول اقىننىڭ شىعارماشىلىعىنا توقتالىپ، جىر وقىدى. اقىننىڭ كەشىنە بەلگىلى سازگەر، ءانشى ايگۇل باجانوۆا مەن ءانشى وزگەرىس شەرىكباي اننەن شاشۋ شاشتى. كەشتى، بەلگىلى اقىن مۇراتحان شوقان تىزگىندەپ وتىردى. وقىرمان مەن ارىپتەستەرىنىڭ ىقىلاسىنا بولەنگەن اقىنعا شاپان جاۋىلىپ، گۇل سىيلاندى. كەشكە جينالعان قاۋىم ولەڭگە سۋسىنداپ، مارە-سارە بوپ قايتتى.