وقۋ-جاتتىعۋ كەزىندە شەكتەۋلەر قويىلادى
الماتىنىڭ بوستاندىق اۋدانىندا ورنالاسقان «MEGA» ساۋدا ويىن-ساۋىق ورتالىعىندا جوسپارلى انتيتەررورلىق وقۋ-جاتتىعۋ وتەدى، دەپ حابارلايدى Almaty-akshamy.kz.
تەرروريزمگە قارسى كۇرەس بويىنشا قالالىق جەدەل شتابتىڭ مالىمەتىنشە، وقۋ-جاتتىعۋدىڭ ماقساتى – ادام كوپ شوعىرلانعان جەرلەردە لاڭكەستىك ءقاۋىپ تونگەن جاعدايدا ءوزارا ارەكەتتەسۋ داعدىلارىن دامىتۋ.
«وقۋ-جاتتىعۋ مىندەتتەرى تەرروريزمگە وسال وبەكتىلەردە لاڭكەستىك اكتىنىڭ جولىن كەسۋ مەحانيزمىن جەتىلدىرۋگە باعىتتالعان. سونىمەن قاتار، وقۋ-جاتتىعۋ كەزىندە شەكتەۋلەر قويىلاتىنىن حابارلايمىز. وسىعان بايلانىستى ازاماتتاردى وتكىزگەلى جاتقان ءىس-شارالارعا تۇسىنىستىكپەن قاراۋعا، قاۋىپسىزدىك شارالارىن ساقتاۋعا جانە وقۋ-جاتتىعۋعا قاتىسقان مەملەكەتتىك قىزمەتكەرلەردىڭ زاڭدى تالاپتارىن ساقتاۋعا شاقىرامىز»، - دەپ حابارلادى جەدەل شتابتا.
سونداي-اق شتابتا «اكىمشىلىك قۇقىق بۇزۋشىلىق تۋرالى» ق ر كودەكسىنىڭ 443-بابىنا سايكەس، قوعامدىق ءتارتىپتى قامتاماسىز ەتۋگە قاتىسۋشى تۇلعانىڭ زاڭدى تالابىنا باعىنباۋ اكىمشىلىك جاۋاپكەرشىلىككە اكەپ سوعاتىنىن ەسكەرتتى.