كوبىنەسە كوزدىڭ قابىعىنداعى سۇر داق كەيىن اشىق، اۋىر جاراعا اينالادى
الماتىداعى №7 قالالىق كلينيكالىق اۋرۋحاناسى جانىنداعى ەمحانانىڭ وفتالمولوگ دارىگەرى الۋا ورازعالييەۆا كوز اۋرۋىنىڭ بەلگىلەرى تۋرالى ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
دارىگەردىڭ ايتۋىنشا، كوزدىڭ كورۋ قابىلەتىنىڭ جوعالۋى بىرنەشە مينۋتتان بىرنەشە كۇنگە دەيىن سوزىلسا، ول «كەنەتتەن» بولىپ سانالادى.
«ادام كوزدەرىنىڭ كورۋ قابىلەتىنىڭ جوعالۋى ءبىر نەمەسە ەكى كوزدە بولۋى مۇمكىن. سونداي-اق، بۇكىل كورۋ ءورىسى نەمەسە ونىڭ ءبىر بولىگى جوعالۋى مۇمكىن»، - دەدى دارىگەر.
وفتالمولوگ دارىگەر الۋا ورازعالييەۆا ايتقان كوز اۋرۋىنىڭ بەلگىلەرىن تومەندەگىدەي:
كوز ميگرەنى (كورۋ قابىلەتىنىڭ بۇزىلۋىن تۋدىراتىن ميگرەن). بەلگىلەرى: 10-20 مينۋت ىشىندە ءبىر كوزدىڭ كورۋ ايماعىندا باياۋ قوزعالاتىن تۇراقتى ەمەس ءپىشىندى جىپىلىقتايتىن داقتار. كەيدە كورۋدىڭ بۇلىڭعىرلىعى، كورۋ قابىلەتىنىڭ بۇزىلۋىنان كەيىنگى باس اۋرۋى. كوبىنەسە جاس ناۋقاستاردا نەمەسە ميگرەن اۋرۋىمەن سىرقاتتانعان ناۋقاستاردا بودادى.
تورلى قابىقتىڭ ءبولىنۋى. بەلگىلەرى: نايزاعاي سياقتى كورىنۋى مۇمكىن جارىقتىڭ كەنەتتەن وزدىگىنەن جىپىلىقتاۋى، داقتار نەمەسە جۇلدىزشالار اندا-ساندا كورىنەدى.
ينسۋلت نەمەسە وتپەلى يشەميالىق شابۋىلدار. بەلگىلەرى: ادەتتە ەكى كوزدىڭ كورۋ ايماعىنىڭ بىردەي بولىكتەرىن جوعالتۋ.
جابىق بۇرىشتى گلاۋكوما. بەلگىلەرى: كوزدىڭ قاتتى اۋرۋى جانە قىزارۋى، باس اۋرۋى، جۇرەك اينۋى، قۇسۋ جانە جارىققا سەزىمتالدىقتىڭ جوعارىلاۋى. كورۋ قابىلەتىنىڭ بۇزىلۋى
كوزدىڭ مۇيىزگەك قابىعىنىڭ جاراسى. بەلگىلەرى: كوبىنەسە كوزدىڭ قابىعىنداعى سۇر داق كەيىن اشىق، اۋىر جاراعا اينالادى.
كوز تامىرىنىڭ نيەۆريتى (وپتيكالىق نەرۆتىڭ قابىنۋى). بەلگىلەرى: ادەتتە كوزدىڭ قوزعالىسى كەزىندە كۇشەيە تۇسەتىن شامالى اۋىرسىنۋ، كورۋ قابىلەتىنىڭ ءىشىنارا نەمەسە تولىق جوعالۋى.
«كورۋ قابىلەتىنىڭ كەنەتتەن جوعالۋىنا ۇشىراعان بارلىق ناۋقاستار شۇعىل مەديسينالىق كومەككە جۇگىنىپ، دەرەۋ وفتالمولوگ دارىگەرگە حابارلاسۋى كەرەك. كوزدەرىڭىزدى ساقتاڭىزدار. سول ارقىلى الەمنىڭ سۇلۋلىعىن ءوز كوزىڭىزبەن تاماشالاي الاسىز»، - دەدى الۋا ورازعالييەۆا.