شىمكەنتتە تۋبەركۋلەزگە شالدىققان ءمۇعالىم وقۋشىلارعا ساباق بەرگەن
شىمكەنتتە تۋبەركۋلەزگە شالدىققان ءمۇعالىم وقۋشىلارعا ساباق بەرگەن. بۇل تۋرالى Almaty-akshamy.kz شىمكەنت قالالىق ءبىلىم باسقارماسىنا سىلتەمە جاساپ حابارلايدى.
شىمكەنت قالاسىنداعى №33 جالپى ورتا ءبىلىم بەرەتىن مەكتەپتىڭ باستاۋىش سىنىپ ءمۇعالىمى ديسپانسەرگە جاتقىزىلدى.
ءساۋىردىڭ 7ء-سى كۇنى كەشكىسىن ءوزىن جايسىز سەزىنىپ، "جەدەل جاردەم" شاقىرعان ءمۇعالىم قالالىق تۋبەركۋلەزگە قارسى ديسپانسەرگە جەتكىزىلگەن. الىنعان اناليزدەر قورىتىندىسى بويىنشا جەكسەنبى كۇنى تۋبەركۋلەز دەرتى انىقتالعان.
«بيىل 16 ناۋرىز كۇنى ءمۇعالىم فليۋوروگرافيادان وتكەن. ناتيجەسىندە، «حرونيچەسكيي برونحيت» دەگەن دياگنوز قويىلعان. ءمۇعالىم مەكتەپتە تالىپ قۇلادى دەگەن ءسوز – جالعان. مەكتەپ باسشىلىعى تاراپىنان 10 ءساۋىر كۇنى زالالسىزداندىرۋ جۇمىسى، ال 11 ءساۋىر كۇنى سەس قىزمەتكەرلەرى ديزەنفەكسيا جۇرگىزدى»، – دەلىنگەن شىمكەنت قالالىق ءبىلىم باسقارماسى تاراتقان رەسمي حابارلامادا.
ماماندار وقۋشىلار ءۇشىن ءقاۋىپ جوق ەكەنىن ايتتى. الايدا، وقۋشىلاردان مانتۋ سىناماسىن الۋ باستالدى.