الماتىداعى ماماندىرىلعان حالىققا قىزمەت كورسەتۋ ورتالىعى جابىلادى

ورتالىققا قىزمەت الۋشىلار از كەلەدى.

19 قىركۇيەكتەن باستاپ سەرىكوۆ كوشەسى، 2ا مەكەنجايىندا ورنالاسقان №3 مامانداندىرىلعان حقو ءبولىمى جۇمىسىن توقتاتادى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«قۇلاگەر» شاعىن اۋدانىنىڭ №3 مامانداندىرىلعان بولىمىنە قىزمەت الۋشىلار از كەلەدى. كوبىنەسە اۆتوكولىك يەلەرى قىزمەت الۋ ءۇشىن №1، №2، №5 جانە №6 بولىمدەرگە جۇگىنەدى نەمەسە قىزمەتتەردى ەكىنشى دەڭگەيدەگى بانكتەردىڭ قوسىمشالارى ارقىلى ونلاين الادى. اۋدان تۇرعىندارىنىڭ تاراپىنان اۆتوكولىككە قاتىستى قىزمەتتەرگە سۇرانىستىڭ بولماۋىنا بايلانىستى ءبولىم جۇمىسىن توقتاتۋعا شەشىم قابىلداندى» - دەدى «ازاماتتارعا ارنالعان ۇكىمەت» مەملەكەتتىك كورپوراسياسى» كە اق الماتى قالاسى فيليالىنىڭ ديرەكتورى ابدۋراسۋل كۋلداشوۆ.

وسىعان دەيىن الماتى قالاسىندا اۆتوكولىك يەلەرىنە ارنالعان 5 مامانداندىرىلعان حقو جۇمىس ىستەدى.

«ەندى اۆتوكولىك يەلەرى قالاداعى 4 ماماندىرىلعان حالىققا قىزمەت كورسەتۋ ورتالىقتارىنىڭ جۇگىنە الادى. ولار «سايالى» ىقشاماۋدانى، اققاينار كوشەسىندەگى № 1 مامانداندىرىلعان ءبولىم، مايلين كوشەسى، 85 № 2 مامانداندىرىلعان ءبولىم، № 5 مامانداندىرىلعان بولىم-تۇركسىب اۋدانى، «قايرات» شاعىن اۋدانى، قۇلجا داڭعىلىنا ورنالاسقان. № 6 مامانداندىرىلعان ءبولىم - «كەمەل» شاعىناۋدانى، اقسۋات كوشەسى، 118، مەكەنجايىندا»،- دەپ اتاپ ءوتتى ابدۋراسۋل كۋلداشوۆ.