پروكۋراتۋرا ايماقتا بولعان الاپات ورتكە بايلانىستى سوتقا دەيىنگى تەرگەۋدى باستادى.
بۇل ءىس بويىنشا ورمان شارۋاشىلىعىنىڭ باسقا دا لاۋازىمدى قىزمەتكەرلەرى جاۋاپقا تارتىلۋى مۇمكىن، دەپ حابارلايدى Almaty-akshamy.kz.
قوستاناي وبلىسىنداعى «باسامان ورمان شارۋاشىلىعىنىڭ» باسشىسى سوت سانكسياسىمەن قاماۋعا الىندى. وعان «اۋىر زارداپتارعا سوقتىرعان لاۋازىمدىق وكىلەتتىكتەردى تەرىس پايدالانۋ» بابى بويىنشا ايىپ تاعىلىپ وتىر.
ەسكە سالايىق، ءورت كەزىندە 100-گە تارتا قۇرىلىس نىسانى مەن 43 مىڭ گەكتارداي ورمان كۇلگە اينالدى. 91 وتباسى باسپاناسىز قالدى. شىعىن بولعان تەحنيكا مەن ءۇي جانۋارلارىنىڭ ەسەبى ءالى جۇرگىزىلىپ جاتىر.