الماتى پوليسياسىندا كەپتەلىس ماسەلەسى قالاي شەشىلىپ جاتقانى ايتىلدى.
الماتى قالاسىنىڭ باس پوليسەيى ارىستانعاني زاپپاروۆ قالا تۇرعىندارى الدىندا ەسەپ بەرگەندە، وڭتۇستىك استانادا جول قاۋىپسىزدىگى قالا تۇرعىندارى مەن قوناقتارىنىڭ جايلى ءارى ءقاۋىپسىز ءومىر ءسۇرۋىنىڭ ماڭىزدى فاكتورى ەكەنىن ايتتى، دەپ حابارلايدى Almaty-akshamy.kz Polisia.kz-كە cىلتەمە جاساپ.
«قاربالاس ۋاقىتتا ءبىز نەگىزگى ماگيسترالدىق كوشەلەردى قولمەن باسقارۋعا اۋىستىرامىز، قىزمەتكەرلەرگە قوسىمشا وقىتۋ جۇرگىزەمىز، باسقا كولىكتەردىڭ ءوتۋىن شەكتەيتىن جانە تارىلتاتىن كولىك قۇرالدارىن وزدىگىنەن تۇراققا قويىپ كەتەتىن ورىندارىندا الدىن الۋ شارالارىن جۇرگىزەمىز. سونداي-اق جول-كولىك وقيعالارىن، جول-كولىك جاراقاتتارى مەن ادام ءولىمىن ازايتۋ ماقساتىندا كۇن سايىن جول-كولىك وقيعالارىنا تالداۋ جۇرگىزەمىز، سونىڭ نەگىزىندە ءقاۋىپتى ايماقتار پاترۋلدەۋ ارقىلى كۇشەيتىلەدى، قالالىق موبيلدىلىك باسقارماسىمەن بىرلەسىپ، جول ينفراقۇرىلىمى جەتىلدىرىلىپ جاتىر»، – دەدى ارىستانعاني زاپپاروۆ.
2022 جىلى الماتى جولدارىندا 1 ملن 348 مىڭ 981 جقە بۇزۋ انىقتالدى. سوت ۇكىمىمەن 3630 جۇرگىزۋشى كولىك جۇرگىزۋ قۇقىعىنان ايىرىلدى. 2610 جۇرگىزۋشى اكىمشىلىك قاماۋعا الىندى. ءقاۋىپتى جۇرگىزۋشىلەردى انىقتاۋدىڭ ءتيىمدى قۇرالى – “قورعاۋ – ءقاۋىپتى جۇرگىزۋشى” جۇيەسى. ول جالعان ءنومىرلى كولىكتەردى، كولىك جۇرگىزۋ قۇقىعىنان ايىرىلعان جۇرگىزۋشىلەردى، قىلمىستىق كولىكتەردى، ايىپپۇل تولەمەيتىندەردى جانە تاعى باسقالاردى اۆتوماتتى تۇردە انىقتايدى.