شيكى قانت ەلىمىزگە باج سالىعىنسىز جەتكىزىلەدى

بۇل دايىن ءونىمنىڭ باعاسىنا وڭ اسەر ەتەدى.

بيىل 30 ناۋرىزدا ەۋرازيالىق ەكونوميكالىق كوميسسيا (ەەك) كەڭەسىنىڭ وتىرىسىندا قاتىسۋشىلار قازاقستانعا شيكى قانتتى باج سالىعىنسىز اكەلۋ ۇسىنىسىن قولدادى، دەپ حابارلايدى Almaty-akshamy.kz ساۋدا جانە ينتەگراسيا مينيسترلىگىنىڭ باسپا ءسوز قىزمەتىنە سىلتەمە جاساپ.

تاريفتىك جەڭىلدىكتىڭ ارقاسىندا وتاندىق قانت زاۋىتتارى ءوز قۋاتتىلىعىن جۇكتەۋ ءۇشىن باج سالىعىن تولەمەي، شيكىزات ساتىپ الۋعا مۇمكىندىك الادى.

ونلاين وتكەن جيىندا قازاقستاندىق تاراپتى پرەمەر-مينيستردىڭ ورىنباسارى – ساۋدا جانە ينتەگراسيا ءمينيسترىنىڭ مىندەتىن اتقارۋشى سەرىك جۇمانعارين باسقاردى.

«وتكەن جىلدارداعى تاجىريبە كورسەتكەندەي، قازاقستاندىق نارىقتىڭ 90%-ىنا قانت كورشى ەلدەردەن جەتكىزىلەدى ءارى ءونىمدى جەتكىزۋ ماسەلەسى ءتۇرلى فاكتورلارعا ۇشىرايدى جانە تۇراقسىز. سوندىقتان ەلىمىز ءوزىنىڭ قانت ونەركاسىبىن دامىتۋ تۋرالى شەشىم قابىلدادى. ءقازىر ءوز شيكىزاتىمىزدىڭ بولماۋىنا بايلانىستى قازاقستانعا ءۇشىنشى ەلدەردەن شيكىزات جەتكىزۋ كەرەك»، - دەدى ساۋدا جانە ينتەگراسيا ۆيسە-مينيسترى جانەل كۋشۋكوۆا.

ەەك كەڭەسىندە بەكىتىلگەن شيكىزاتتى باج سالىعىنسىز اكەلۋگە ارنالعان تاريفتىك كۆوتا بيىل 9 ايدا 350 مىڭ توننا بولادى. تاراپتار كۇزدە وسى ماسەلەنى قايتا تالقىلاپ، كۆوتا كولەمىن قايتا قاراۋعا ۋاعدالاستى.

بىلتىر قازاقستاندا قانت زاۋىتتارى 283 مىڭ توننا قانت (33 مىڭ توننا قىزىلشا، 249،9 مىڭ توننا قانت قۇراعى) ءوندىردى. زاۋىتتاردىڭ جۇكتەمەسى 50% بولدى. 2023 جىلعى قاڭتار-اقپاندا 51،5 مىڭ توننا قانت ءوندىرىلىپ، ونىڭ 40،4 مىڭ تونناسى يمپورتتالدى.

بۇگىندە «اينالىم سحەماسى» اياسىندا وبلىس اكىمدىكتەرى قانت زاۋىتتارىنا شيكىزاتتى ۋاقتىلى ساتىپ الۋ، ىشكى تۇتىنۋ ءۇشىن جەتكىلىكتى كولەمدە جانە تۇراقتى باعامەن قانت ءوندىرۋ ءۇشىن 18 ملرد تەڭگە ءبولىندى.