ەنەرگەتيكا ۆيسە-مينيسترى سۇڭعات ەسىمحانوۆ ۇكىمەت وتىرىسىندا مالىمدەۋىنشە، الماتىداعى جىلۋ ەلەكتر ورتالىعىن گازعا اۋىستىرۋ جۇمىستارى 2026 جىلى جەلتوقساندا مارەسىنە جەتەدى، دەپ حابارلايدى aqshamnews.kz
جوبانىڭ اياقتالۋى كەشىكتىرىلمەيدى دەپ جوسپارلاپ وتىر. مەملەكەت باسشىسىنىڭ تاپسىرماسى بار، سوعان سايكەس مەرزىمى ساقتالۋى كەرەك، - دەپ اتاپ ءوتتى ۆيسە-مينيستر.
الماتى جەو گازعا اۋىستىرۋ جوباسى ەرەكشە باقىلاۋدا ەكەنى ايتالدى. نىسانداعى جۇمىستار جوسپارعا سايكەس جۇرگىزىلىپ جاتىر. جابدىقتاردىڭ ءبىر بولىگى جەتكىزىلىپ، العاشقى تۋربيناگەنەراتورلاردىڭ مونتاجى جۇرگىزىلۋدە.
كەلەسى جىلدىڭ العاشقى جارتىجىلدىعىندا ىسكە قوسۋ شارالارى ورىندالادى. ودان كەيىن نەگىزگى جابدىقتاردى ورناتۋدىڭ بەلسەندى ساتىسى باستالادى.
ايتا كەتەيىك، ستانسيانىڭ گازعا اۋىسۋى الماتىنىڭ ەكولوگياسىن جاقسارتۋداعى نەگىزگى قادامداردىڭ ءبىرى رەتىندە قاراستىرىلىپ وتىر.
سونداي-اق ەلدىڭ وڭتۇستىك وڭىرلەرىن سەنىمدى ەلەكترمەن جابدىقتاۋدى قامتاماسىز ەتۋدىڭ ءبىر ءتاسىلى رەتىندە قولعا الىنعان.