الماتى پوليسياسى قوعامدا قوعامدىق تارتىپكە ءقاۋىپ توندىرەتىن قۇقىق بۇزۋشىلىقتارعا مۇلدەم توزبەۋشىلىكتى قالىپتاستىرۋ ءۇشىن بەلسەندى جۇمىس جۇرگىزۋدە. بۇل باعىتتا جەرگىلىكتى پوليسيا قىزمەتىنىڭ بولىمشەلەرى ءبىرقاتار ۇيىمداستىرۋشىلىق-تاجىريبەلىك شارالاردى قابىلدادى.
«نولدىك توزىمدىلىك» ساياساتىنىڭ اياسىندا ۇساق بۇزاقىلىق، تىنىشتىقتى بۇزۋ جانە باسقا دا ۇساق قۇقىق بۇزۋشىلىقتارعا تەرىس رەاكسيا بىلدىرىلەدى. الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى ايتان ەلەۋسىزوۆتىڭ ايتۋىنشا، ءار ازامات قوعامدىق تىنىشتىقتى بۇزباي، ءوز مادەنيەتىن كورسەتۋى ءتيىس. قازىرگى ۋاقىتتا كوشەدەگى قىلمىستاردىڭ الدىن الۋدىڭ باستى تۇتقاسى — اكىمشىلىك قۇقىق بۇزۋشىلىقتاردىڭ دەر كەزىندە جولىن كەسۋ جانە ولاردىڭ جاسالۋىنا مۇلدەم توزبەۋشىلىك تانىتۋ.
«ۇساق قۇقىق بۇزۋشىلىقتاردىڭ الدىن الۋدا قالاداعى زاڭدىلىق پەن ءتارتىپتىڭ جاي-كۇيىنە بەي-جاي قارامايتىن ازاماتتىق قوعامداستىققا ەرەكشە ءرول بەرىلگەنىن ايتا كەتكەن ءجون»، — دەدى ايتان ەلەۋسىزوۆ.
سونىمەن قاتار، ستۋدەنت جاستار اراسىندا مۇلدەم توزبەۋشىلىكتى قالىپتاستىرۋ جۇمىستارى دا جۇرگىزىلۋدە. الماتىداعى جيىرما ءبىر جوعارى وقۋ ورنىندا ستۋدەنتتىك قۇقىق قورعاۋ جاساقتارى قۇرىلدى، بۇل جاستاردىڭ قۇقىقتىق ءتارتىپتى ساقتاۋعا جاۋاپكەرشىلىكتەرىن ارتتىرىپ، قوعامدىق ءتارتىپتى ساقتاۋ ىسىندە ماڭىزدى ءرول اتقارادى.
جەرگىلىكتى پوليسيا قىزمەتى بيىلعى جىلى ەسەبىن جاريالاعان قۇقىق بۇزۋشىلىقتار ستاتيستيكاسىنا سايكەس، الماتى قالاسىندا كەلەسى قۇقىق بۇزۋشىلىقتار ورىن العان:
- ۇساق بۇزاقىلىق – 10 415 دەرەك؛
- اباتتاندىرۋ ەرەجەلەرىن بۇزۋ – 23 021 دەرەك؛
- تىنىشتىقتى بۇزۋ – 8 909 دەرەك؛
- كوشەدە الكوگولدىك ىشىمدىكتەردى ءىشۋ جانە قوعامدىق ورىندارعا ماس كۇيدە كەلۋ – 15 525 دەرەك؛
- قوعامدىق ورىنداردا تەمەكى شەگۋ، ونىڭ ىشىندە كاليان شەگۋ – 6 579 دەرەك.
بۇل ستاتيستيكا قۇقىق بۇزۋشىلىقتاردىڭ الدىن الۋ شارالارىن ودان ءارى كۇشەيتۋ قاجەتتىگىن كورسەتىپ وتىر.