الماتىداعى جەتىسۋ شاعىناۋدانىندا جول بەلگىلەرى قويىلدى

جولداعى قاۋىپسىزدىككە الاڭداعان كوپشىلىكتىڭ ءوتىنىشى كوپ كۇتتىرمەي شەشىلدى. الماتى اكىمى ەربولات دوسايەۆتىڭ اۋەزوۆ اۋدانى تۇرعىندارىمەن جۇزدەسۋى كەزىندە كوتەرىلگەن ءبىرشاما ماسەلەنىڭ ءتۇيىنى تارقالىپ كەلەدى، دەپ حابارلايدى Almaty-akshamy.kz Almaty.tv-گە سىلتەمە جاساپ.

اۋەزوۆ اۋدانىنىڭ تۇرعىندارى مامىر ايىندا وتكەن كەزدەسۋدە جول قاۋىپسىزدىگىنە الاڭداعان ەدى. كىشى ساين دەپ اتالاتىن كوشەدە اياق الىپ ءجۇرۋ مۇمكىن ەمەس. كولىك جۇرگىزۋشىلەرى ءوزى دە تار جولعا 2 قاتار ەتىپ تەمىر تۇلپارلارىن قاڭتارىپ قويادى. ونىمەن قويماي، جىلدامدىقتى اسارادى دەپ شاعىم ايتقان بولاتىن. كەسىرىنەن امالى تاۋسىلعان حالىق بارار جەرىنە №31 ءۇيدىڭ اۋلاسى ارقىلى شىعادى ەكەن. تاپ سول كەزدەسۋ كەزىندە شاھار باسشىسى اۋدان اكىمدىگى مەن قالالىق موبيلدىلىك باسقارماسىنا كوميسسيا قۇرىپ، ماسەلەنى شەشۋدى تاپسىردى.

«اۋەزوۆ اۋدانى تۇرعىندارى قالا اكىمىمەن كەزدەسكەندە ءوتىنىش ايتقان ەدى. اتاپ ايتقاندا، جەتىسۋ شاعىناۋدانى، تاستاق-1 شاعىناۋدانىنان جول بەلگىلەرىن ورناتۋ، جول قاۋىپسىزدىگىن ساقتاۋ. قازىرگى تاڭدا الماتى قالاسى موبيلدىلىك باسقارماسىمەن بىرىگىپ، اتالعان ماسەلەلەر وڭ شەشىمىن تاپتى. جول بەلگىلەرى ورناتىلدى. جەتىسۋ شاعىناۋدانىندا 3 جول بەلگىسى جانە جىلدامدىقتى ازايتۋ بەلگىسى 2 جەرگە قويىلدى»، – دەدى اۋەزوۆ اۋداندىق كورىكتەندىرۋ ءبولىمىنىڭ باس مامانى اسەت جاپاقوۆ

اۋەزوۆ اۋدانىندا تاستاق -1 شاعىناۋدانىندا دا تۋرا وسىنداي ماسەلە. تولە بيدەن باستاپ شىمبولاتوۆ كوشەسىنە دەيىنگى ارالىقتا توقتاۋعا بولمايدى دەگەن جول بەلگىسى ورناتىلدى. سونداي-اق جۇرگىزۋشىلەرگە كولىكتەرىن قويۋعا بولمايتىنىن ەسكەرتەتىن جولاق تا سىزىلدى. ويتكەنى تەمىر تۇلپار تاقىمداعاندار تار كوشەنىڭ ەكى جاعىنا دا كولىكتەرىن قويىپ كەتەتىن. ناتيجەسىندە ءورت ءسوندىرۋ مەن جەدەل جاردەم قىزمەتى وتە الماي قينالادى ەكەن. ەندى بۇل ماسەلە دە شەشىلدى. اۋدان اكىمدىگى كوپتى مازالاعان وزگە دە سۇراقتاردىڭ شەشىلۋىنە اتسالىسىپ جاتىر.