بۇل «الماتىگينپروگور-1 جوبالاۋ ينستيتۋتى» ج ش س باس ەكونوميستى تامارا زالوگينانىڭ مالىمەتى.
رەسپۋبليكالىق ماڭىزى بار قالالار بويىنشا تابيعي جانە مەحانيكالىق قوزعالىستىڭ ءوسۋىن تالداۋ مىناداي زاڭدىلىقتى انىقتادى: الماتى جانە استانا قالالارىندا حالىق سانىنىڭ ءوسىمى كوشى-قون پروسەستەرىمەن بايلانىستى، ال شىمكەنت قالاسىندا حالىق سانىنىڭ تابيعي ءوسىمى جوعارى، دەپ حابارلايدى Almaty-akshamy.kz.
ق ر رەسپۋبليكالىق ماڭىزى بار قالالارىنىڭ ءوسۋ ديناميكاسىمەن سالىستىرعاندا 2010-2020 جىلدارى الماتى قالاسى حالقىنىڭ جوبالىق سانىنىڭ ءوسۋى جانە ديناميكاسى
رەسپۋبليكالىق ماڭىزى بار قالالار بويىنشا تابيعي جانە مەحانيكالىق قوزعالىستىڭ ءوسۋىن تالداۋ مىناداي زاڭدىلىقتى انىقتادى: الماتى جانە استانا قالالارىندا حالىق سانىنىڭ ءوسىمى كوشى-قون پروسەستەرىمەن بايلانىستى، ال شىمكەنت قالاسىندا حالىق سانىنىڭ تابيعي ءوسىمى جوعارى.
الماتى قالاسىنىڭ حالىق سانىنىڭ 2030-2050 جىلدارعا ارنالعان بولجامى
حالىقتىڭ تابيعي جانە شەكتەۋلى مەحانيكالىق ءوسۋىنىڭ قالىپتاسقان ديناميكاسىنا سايكەس حالىق سانىنىڭ ۇسىنىلاتىن بولجامى جوبالاۋ كەزەڭدەرى بويىنشا:
2022 ج. - 2 025 مىڭ ادام
2030 ج. - 2 500 مىڭ ادام
2040 ج. - 3 000 مىڭ ادام
2050 ج. - 3 600 مىڭ ادامدى قۇرايدى.
الماتى قالاسى حالقىنىڭ ورتاشا جىلدىق ءوسىمى كەزەڭدەر بويىنشا 47 مىڭ ادامنان 60 مىڭ ادامعا دەيىنگى ارالىقتا.
2040 جىلعا دەيىنگى كەزەڭدە جاڭا تۇرعىن ءۇي قۇرىلىسىنىڭ كولەمى
الماتى قالاسىنداعى جاڭا تۇرعىن ءۇي قۇرىلىسىنىڭ كولەمى 2040 جىلعا دەيىن ەسەپتەۋلەرگە سايكەس جالپى اۋدانى 45،6 ملن شارشى مەتردى قۇرايدى.
ونىڭ ىشىندە بولاشاقتا حالىقتىڭ 1،1 ملن ادامعا ءوسۋى جالپى الاڭى 34 ملن م2 تۇرعىن ءۇيدى سالۋدى، بۇزاتىن تۇرعىن ءۇي قورىنىڭ وتەمى – جالپى الاڭنىڭ 2،6 ملن شارشى مەتر، حالىقتىڭ تۇرعىن ۇيمەن قامتاماسىز ەتىلۋ دەڭگەيى بويىنشا تۇرعىن ءۇي جاعدايلارىن ءبىر ادامعا 33 شارشى مەترگە دەيىن جاقسارتۋعا - جالپى الاڭنىڭ 9،01 ملن شارشى مەتر تالاپ ەتەدى.
الماتى قالاسىنىڭ اۋماعىندا حالىقتىڭ پەرسپەكتيۆالى قونىستانۋى
2040 جىلعا جالپى سانى 3 ملن ادامدى قۇرايتىن الماتى قالاسىنىڭ تۇرعىندارىنىڭ جوبالىق قونىستانۋى مىناداي تۇردە جۇرەدى: وڭتۇستىك-باتىس جوسپارلاۋ ايماعىندا 1،3 ملن ادام (44،6%) تۇراتىن بولادى، ورتالىق جوسپارلاۋ ايماعىندا 0،5 ملن ادام (18،1%) جانە شىعىس جوسپارلاۋ ايماعىندا 0،45 ملن ادام (15،2%) قونىستاناتىن بولادى.
الماتى باس جوسپارى: باسىمدىق - الەۋمەتتىك ينفراقۇرىلىم
باس جوسپارعا سايكەس، الماتىدا 300-دەن استام بالاباقشا مەن 188 مەكتەپ سالىنادى
قالانى دامىتۋ باعدارلاماسىنا سايكەس تۇرعىنداردىڭ جايلىلىعى جانە بيزنەستىڭ دامۋى ءۇشىن شەبەرلىك-جوسپارلارىن ازىرلەۋدە كەلەسى پارامەترلەر ەسكەرىلەتىن بولادى:
- ۇزىندىعى 120-140 مەتر كوشەلەر تورىمەن تاريحي قالا ورتالىعىنىڭ مىسالىندا ورامدىق قۇرىلىس؛
- ءاربىر ساياسي ورتالىقتىڭ تۇرعىندارىن الەۋمەتتىك، كولىكتىك، رەكرەاسيالىق ينفراقۇرىلىممەن، سونداي-اق جۇمىس ورىندارىمەن 100 پايىز قامتاماسىز ەتۋ؛
بۇعان باس جوسپاردا الماتىلىقتارعا جاقىن ورنالاساتىن الەۋمەتتىك ينفراقۇرىلىممەن قامتاماسىز ەتۋ، اتاپ ايتقاندا:
- 335 بالاباقشا،
- 188 مەكتەپ جانە قازىرگى مەكتەپتەرگە 12 قوسىمشا قۇرىلىس،
- 65 ەمحانا جانە 3 اۋرۋحانا،
- 33 دەنە شىنىقتىرۋ-ساۋىقتىرۋ كەشەنىن سالۋ جوسپارلانعان.
2040 جىلعى 1 قاڭتارداعى جاعداي بويىنشا الماتى قالاسىنىڭ اۋماعىندا الماتى قالاسىنىڭ قوعامدىق قىزمەت كورسەتۋ مەكەمەلەرىنىڭ جالپى اۋدانى 33،1 ملن م2 بولادى، بۇل وسى كەزەڭدەگى تۇرعىن ءۇي قورىنىڭ جالپى كولەمىنىڭ 37% قۇرايدى.
قىزمەت كورسەتۋ مەكەمەلەرىنىڭ جالپى اۋدانىنىڭ ەڭ ۇلكەن كولەمىن اكىمشىلىك-ىسكەرلىك، قوعامدىق مەكەمەلەر، جوعارى وقۋ ورىندارى - جالپى اۋدانى 8،643 ملن، ءبىلىم بەرۋ مەكەمەلەرى - 6،6 ملن م2 جانە ساۋدا، قوعامدىق تاماقتاندىرۋ جانە قوناق ءۇي بيزنەسى كاسىپورىندارى – 6،6 مىڭ شارشى مەتردى قۇرايدى. قوعامدىق قىزمەت كورسەتۋ مەكەمەلەرىنىڭ كولەمىن اۋماقتىق ءبولۋ مىناداي تۇردە قالىپتاسادى: وڭتۇستىك-باتىس جوسپارلاۋ ايماعى (39%) جانە ورتالىق جوسپارلاۋ ايماعى (34%)، سونداي-اق قوعامدىق قىزمەت كورسەتۋ مەكەمەلەرى كولەمىنىڭ ەداۋىر ءوسۋى شىعىس جوسپارلاۋ ايماعىندا جوسپارلانعان - 11%.
الماتى قالاسى حالىققا قوعامدىق قىزمەت كورسەتۋ مەكەمەلەرىنىڭ جالپى اۋدانىنىڭ 2040 جىلعا دەيىنگى ءوسۋ ديناميكاسى.
2020-2040 جىلدار كەزەڭىندە الماتى قالاسىنىڭ اۋماعىندا حالىققا قوعامدىق قىزمەت كورسەتۋ وبەكتىلەرىنىڭ جالپى اۋدانى 9،7 ملن م2 نەمەسە وسى كەزەڭدە جاڭا تۇرعىن ءۇي قۇرىلىسى كولەمىنىڭ 21،3%-ى سالىنادى.
جاڭا قۇرىلىستىڭ ەڭ ۇلكەن كولەمىن الەۋمەتتىك ماڭىزى بار وبەكتىلەر-بىلىم بەرۋ مەكەمەلەرى، سونداي-اق جالپى قالالىق ماڭىزى بار وبەكتىلەر - اۋرۋحانالار، ەمحانالار، سپورتتىق-دەنە شىنىقتىرۋ ۇيىمدارى مەن مادەنيەت مەكەمەلەرى قۇرايدى.
2020-2030 جىلدار كەزەڭىندە الماتى قالاسىنىڭ باس جوسپارى بويىنشا الەۋمەتتىك ينفراقۇرىلىم وبەكتىلەرى قۇرىلىسىنىڭ ءبىرىنشى كەزەكتەگى جوبالىق شەشىمدەرىن ىسكە اسىرۋ جونىندەگى ينۆەستيسيالاردىڭ بولجامدى كولەمى.
2030 جىلعا دەيىنگى كەزەڭگە ارنالعان باس جوسپار بويىنشا جوبالىق ۇسىنىستاردىڭ ءبىرىنشى كەزەگىن ىسكە اسىرۋ ءۇشىن الەۋمەتتىك ينفراقۇرىلىمدى دامىتۋعا 1 تريلليون 391 ملرد تەڭگە ينۆەستيسيالاۋ قاجەت.
ينۆەستيسيالاردىڭ ەداۋىر كولەمى (46،6%) مەكتەپ پەن مەكتەپكە دەيىنگى ءبىلىم بەرۋدى دامىتۋ جانە دەنساۋلىق ساقتاۋ مەكەمەلەرىن دامىتۋعا قاجەت (27،3%). ينتەرنات ۇيلەرى، سپورت عيماراتتارى بارلىق ينۆەستيسيالاردىڭ 9%-ىن قاجەت ەتەدى.