ءامات باعاسىن تۇراقتاندىرۋ ءۇشىن قابىلدانىپ جاتقان شارالار باسقارمانىڭ ەرەكشە باقىلاۋىندا تۇر.
الماتى قالاسىنىڭ كاسىپكەرلىك جانە ينۆەستيسيالار باسقارماسىنىڭ باسشىسى ە.ءورازاليننىڭ ايتۋىنشا، قالانىڭ ازىق-تۇلىك قاۋىپسىزدىگىن قامتاماسىز ەتۋگە جانە الەۋمەتتىك ماڭىزى بار تاۋارلاردىڭ باعاسىن ۇستاپ تۇرۋعا بار كۇش جۇمسالۋدا.
ول ءۇشىن قازىرگى ۋاقىتتا قالادا وندىرۋشىلەردە دايىن ءونىم مەن شيكىزاتتىڭ جەتكىلىكتى كولەمى بار، دەپ حابارلايدى Almaty-akshamy.kz
بۇل قورلار كۇن سايىن ەل وڭىرلەرىنەن فەرمەرلەر مەن تاۋار وندىرۋشىلەر اكەلىپ تولىقتىرىلۋدا، سوندىقتان الەۋمەتتىك ماڭىزى بار ازىق-تۇلىك تاۋارلارىنىڭ تاپشىلىعى بولجانبايدى.
"ەكىنشىدەن، ءىرى جەتكىزۋشىلەرگە، وندىرۋشىلەرگە جانە ساۋدا جەلىلەرىنە جەڭىلدەتىلگەن نەسيە بەرۋ تەتىگى ەنگىزىلدى، بۇل دەلدالدار تىزبەگىن اينالىپ ءوتىپ، سورەلەردەگى ساتۋ باعالارىن تۇراقتاندىرۋعا مۇمكىندىك بەرەدى.
تۇركىستان وبلىسىنىڭ وندىرۋشىلەرىمەن ەرتە پىسەتىن قىرىققاباتتى جەتكىزۋ بويىنشا ۋاعدالاستىققا قول جەتكىزىلدى، ءبىرىنشى پارتياسى ءقازىردىڭ وزىندە قالا سورەلەرىنە كەلىپ ءتۇستى. مامىر ايىنان باستاپ تامىز ايىنىڭ سوڭىنا دەيىن 7 مىڭ توننادان استام كارتوپ، پياز جانە ءسابىز جەتكىزىلەدى. شىلدە ايىنان باستاپ الماتى وبلىسىنان 3،5 مىڭ توننا كوكونىس (كارتوپ، ءسابىز، پياز، قىرىققابات) جەتكىزۋ جوسپارلانۋدا"، - دەيدى الماتى قالاسىنىڭ كاسىپكەرلىك جانە ينۆەستيسيالار باسقارماسىنىڭ باسشىسى ە.ورازالين.
5 مىڭ توننا كارتوپ جانە 2 مىڭ توننا ءسابىز وتىرعىزۋ ءۇشىن پاۆلودار وبلىسىنىڭ تاۋار وندىرۋشىلەرىنە 300 ملن تەڭگە ءبولۋ جوسپارلانۋدا.
نان باعاسىن ۇستاپ تۇرۋ ماقساتىندا «ازىق-تۇلىك كەلىسىم شارت كورپوراسياسى» ۇق» اق قورىنان قالانىڭ ۇن تارتۋ كاسىپورىندارىنا سۋبسيديالانعان استىقتى جەتكىزۋ جالعاسۋدا. الەۋمەتتىك ناننىڭ ساتۋ باعاسىن بەلگىلەۋ ءۇشىن «ءالماتىدان» جشس-نە 150 ملن تەڭگە مولشەرىندە اينالىم زاەمىن ءبولۋ جوسپارلانۋدا.