ءشارىپوۆ كوشەسىندەگى حوستەلدە ءورت سالدارىنان زارداپ شەككەن 5 ادامعا مەديسينالىق كومەك دارىگەرلەر قويعان دياگنوزدار اياسىندا تولىق كولەمدە كورسەتىلۋدە، دەپ حابارلادى الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى يران شامەتەكوۆ وكق بريفينگىندە.
«زارداپ شەككەن ءتورت ادامنىڭ جارالارىنا العاشقى حيرۋرگيالىق ەمدەۋ كورسەتىلدى: ەۆاكۋاسيا كەزىندە بۇل ازاماتتاردىڭ دەنەلەرىنىڭ ءتۇرلى بولىكتەرى زاقىمدانعان. ولاردى جەدەل جاردەم بريگاداسى تەكسەرىپ، اۋرۋحاناعا جەتكىزدى. سونداي-اق، بۇگىنگى كۇنى ءبىر پاسيەنت ۋگارلى گازبەن ۋلانۋ دياگنوزىمەن توكسيكولوگيا بولىمىنە جاتقىزىلدى. جاعدايى ورتاشا اۋىرلىقتا، ەسىن جيدى جانە وعان ەم تولىق كورسەتىلۋدە»، - دەدى يران شامەتەكوۆ.
جارالادى ەمدەگە سوڭ زارداپ شەككەن ءتورت ادام امبۋلاتوريالىق ەمدەلۋگە ۇيلەرىنە جىبەرىلدى.
ءشارىپوۆ كوشەسىندەگى ءورت سالدارىنان 13 ادام قازا تاۋىپ، 5 ادام زارداپ شەكتى. حوستەلدە بارلىعى 72 تۇرعىن بولدى، ولاردىڭ 12ء-ى ستۋدەن. حوستەل تۇرعىندارى اراسىندا كامەلەتكە تولماعاندار جوق.