ساراپشى قىزىلشا ەپيدەميولوگيالىق جاعدايى تۋرالى ايتىپ بەردى
الماتى قالاسىنىڭ وكق الاڭىندا دارىگەرلەر مەن ەپيدەميولوگتاردىڭ قاتىسۋىمەن قىزىلشامەن سىرقاتتانۋشىلىق بويىنشا ەپيدەميولوگيالىق جاعدايعا ارنالعان باسپا ءسوز كونفەرەنسياسى ءوتتى. ساراپشىلار ءبىراۋىزدان قىزىلشا ينفەكسياسىنىڭ الدىن الاتىن جالعىز ءتيىمدى قۇرال ۆاكسيناسيا ەكەنىن ايتادى، دەپ حابارلايدى almaty-akshamy.kz
قىزىلشا - بۇل اۋا-تامشىلارى ارقىلى تارالاتىن ينفەكسيالار توبىنا جاتاتىن جەدەل جۇقپالى ۆيرۋستىق اۋرۋ. اۋرۋ ادامنان ادامعا اۋا ارقىلى، تىنىس الۋ جولدارىنىڭ تامشىلارىمەن نەمەسە جۇقتىرعان ادامداردىڭ مۇرنىنان نەمەسە تاماعىنان سەكرەسيالارمەن تىكەلەي بايلانىستا بولادى.
بالالار ينفەكسيونيستى، پروفەسسور جانە مەديسينا عىلىمدارىنىڭ دوكتورى راۋشان ىدىرىسوۆانىڭ ايتۋىنشا، قىزىلشانىڭ بارلىق باسقا ينفەكسيالاردان باستى ايىرماشىلىعى -ونىڭ تارالۋ جىلدامدىعىنىڭ جوعارى بولۋىندا.
«بىرنەشە جىل بۇرىن بولعان قىزىلشا دەرتىنىڭ اسقىنۋى مەن قازىرگى جاعدايداعى تارالۋىنىڭ ايىرماشىلىعى نەدە؟ ەگەر الدىڭعى اۋرۋشاڭدىق 15 جاستان اسقاندار مەن 25 جاسقا دەيىنگى ادامدار اراسىندا قاتتى تارالسا، ءقازىر جاسى كىشى بالالار اۋىرىپ جاتىر، سول سەبەپتى دە ۆاكسيناسيا التى ايعا جىلجىدى. سوندىقتان بارلىق جاس توپتارىندا سىرقاتتانۋشىلىق تىركەلۋدە»، - دەدى ر.ىدىرىسوۆا.
ينفەكسيونيستتىڭ ايتۋىنشا، بۇل اۋرۋ ادامنىڭ يممۋنيتەتىن كۇرت تۇسىرەدى. ونىڭ ەكىنشى جاعىمسىز قاسيەتى - اسقىنۋلار. قىزىلشا ەڭ الدىمەن وكپە مەن تىنىس الۋ جولدارىنا كەرى اسەر ەتەدى. اس قورىتۋ جۇيەسىنىڭ زاقىمدانۋى دا بايقالۋى مۇمكىن.
«ءبىز دۇرىس تاسىلدەر مەن ەمدەۋدى دۇرىس ۇيىمداستىرۋ ارقىلى ءولىم-جىتىم جاعدايلارىنىڭ الدىن الىپ وتىرمىز. ءبىراق ءجيى كەزدەسەتىن ءبىر اسقىنۋ بار - بۇل جەدەل سكلەروزدى پانەنسەفاليت. وتە كىشكەنتاي بالالار ءۇشىن ەڭ ءقاۋىپتى اسقىنۋ. ەگەر ولار ءبىر جاسىنا دەيىن اۋىرعان بولسى، ولاردا بۇل اسقىنۋ بولۋى مۇمكىن، ءتىپتى بىرنەشە جىلدان كەيىن دە، ويتكەنى ۆيرۋس مي تىنىندە ساقتالادى. سۋباكۋتالىق سكلەروزدى پانەنسەفاليت تەك ءبىر جاسقا دەيىنگى بالالاردا عانا ەمەس، سونىمەن قاتار ەگدە جاستاعى توپتاردا دا كەزدەسەدى»، - دەپ ءتۇسىندىردى جۇقپالى اۋرۋلار دارىگەرى.
ساراپشى قىزىلشا ينفەكسياسى مەن اۋرۋدىڭ اسقىنۋىن بولدىرمايتىن جالعىز ءتيىمدى قۇرال ۆاكسيناسيا ەكەنىن ايتادى.
«ۆيرۋستىڭ جۇقپالى قاسيەتتەرىنىڭ كۇشەيۋىنە بايلانىستى ناۋقاستاردىڭ سانى دا كوپ. بۇل عىلىمي تۇردە ۆيرۋلەنتتىلىك دەپ اتالادى، ال ۆيرۋلەنتتىلىك كۇشەيگەن سايىن، بۇل اسقىنۋلاردىڭ سانى كوبىرەك بولادى دەگەندى بىلدىرەدى. ءقازىر بارلىق جاس توپتارىندا كەزدەسەتىن قىزىلشا ماسەلەسى وتە ماڭىزدى. بۇعان دەيىن بارلىق ساراپشىلار ايتقانداي، ۆاكسيناسيا ماڭىزدى ءرول اتقارادى. تەك ول اۋامەن تارالاتىن وسىنداي ينفەكسيامەن ادامداردى، ونىڭ ىشىندە جاس بالالاردى قورعاۋعا مۇمكىندىك بەرەدى»، - دەپ قورىتىندىلادى ر.ىدىرىسوۆا.