الماتىدا جالعان ءنومىر تاققان جۇرگىزۋشى انىقتالدى

الماتىدا «قورعاۋ – ءقاۋىپتى جۇرگىزۋشى» جۇيەسىمەن جالعان ءنومىر تاققان جۇرگىزۋشى انىقتالدى.

كورسەتىلگەن اۆتوماتتاندىرىلعان جۇيەنىڭ وبەكتيۆىنە تولە بي داڭعىلىمەن شىعىس باعىتتا كەلە جاتقان Audi كولىگى ءتۇستى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

شەتەلدىك كولىكتە ول جالعان مەملەكەتتىك تىركەۋ ءنومىرىن انىقتادى.

«بايزاقوۆ كوشەسىمەن ءبىر دەڭگەيدە بۇل كولىكتى پاترۋلدىك پوليسيا ەكيپاجى توقتاتتى. بىردەن ءۇش جول قوزعالىسى ەرەجەسىن ورەسكەل بۇزۋ دەرەگى انىقتالدى. اتاپ ايتقاندا، كولىك قۇرالىنا جالعان نەمەسە جاسالعان مەملەكەتتىك تىركەۋ نومىرلەرىن ورناتۋ، جالعان نەمەسە جاسالعان مەملەكەتتىك تىركەۋ نومىرلەرى بار كولىك قۇرالىن جۇرگىزۋ، كولىك قۇرالىنىڭ الدىڭعى جاعىنا قىزىل ءتۇستى وتتارى بار جارىق قۇرىلعىلارىن نەمەسە قىزىل ءتۇستى كەرى شاعىلىساتىن قۇرىلعىلاردى، سونداي-اق جارىقتاندىرۋ قۇرىلعىلارىنىڭ ءتۇسى مەن جۇمىس رەجيمى كولىك قۇرالدارىن پايدالانۋعا رۇقسات بەرۋ تالاپتارىنا سايكەس كەلمەيتىن جارىقتاندىرۋ قۇرىلعىلارىن ورناتۋى. جۇرگىزۋشى كولىك باسقارۋدان شەتتەتىلدى. كولىك مامانداندىرىلعان ايىپپۇل تۇراعىنا قويىلدى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.

الماتى پوليسياسى جالعان مەملەكەتتىك ءنومىر تاققان، كولىكتەرگە ارنايى بەلگى بەرەتىن قۇرىلعىلار ورناتقان، كولىكتى ماس كۇيىندە باسقارعان جانە باسقا دا قۇقىق بۇزۋشىلىقتاردى جاساعان كولىك جۇرگىزۋشىلەرىن جاۋاپكەرشىلىككە تارتۋ بويىنشا ماقساتتى جۇمىس جالعاسىپ جاتقانىن ەسكە سالادى.