الماتىدا مەرەيتويلىق حح حالىقارالىق جاۋتىكوۆ وليمپياداسى باستالدى
2024 جىلعى 8-13 قاڭتار ارالىعىندا الماتىدا و. جاۋتىكوۆ اتىنداعى رەسپۋبليكالىق مامانداندىرىلعان فيزيكا-ماتەماتيكا ورتا مەكتەپ-ينتەرناتى بازاسىندا ءبىلىم جانە عىلىم مينيسترلىگىنىڭ جانە قالا اكىمدىگىنىڭ قولداۋىمەن دارىندى بالالارعا ارنالعان حح حالىقارالىق جاۋتىكوۆ وليمپياداسى ءوتىپ جاتىر، دەپ حابارلايدى almaty-akshamy.kz.
وليپيادا ءۇش بۇرىن ونلاين فورماتتا وتسە، بيىل وفلاين فورماتتا ءوتىپ جاتىر. وليمپيادا اياسىندا ءداستۇرلى تۇردە فيزيكا-ماتەماتيكالىق باعىتتاعى مامانداندىرىلعان مەكتەپتەر اراسىندا ءۇش ءپان بويىنشا بايقاۋ وتكىزىلەدى. مۇنىڭ باسقا حالىقارالىق وليمپيادادان ەرەكشەلىگى وسىندا جانە جاستاردىڭ زياتكەرلىك الەۋەتىن دامىتۋ ءۇشىن وسى عىلىمي پاندەردىڭ ماڭىزىن كورسەتەدى. جارىس ەكى كەزەڭنەن تۇرادى – تەوريالىق جانە تاجىريبەلىك تۇرعىدا قاتىسۋشىلار تاپسىرمالار ورىندايدى. وليمپيادانىڭ قورىتىندىسى ءار ءپان بويىنشا جەكە ەسەپتە شىعارىلادى.
«جاۋتىكوۆ اتىنداعى وليمپيادانىڭ اۋقىمى مەن كەڭىنەن تانىلۋى الماتى ءۇشىن ماڭىزدى وقيعاعا اينالدى. مىقتى فيزيكا-ماتەماتيكا مەكتەبىمەن تانىمال قالامىزدىڭ وقۋشىلارىنىڭ جەڭىسى مەن جەتىستىگىن ماقتان تۇتامىز. جاۋتىكوۆ وليمپياداسىنىڭ جەڭىمپازدارى مەن جۇلدەگەرلەرى قازاقستان مەن شەتەلدەردە زور جەتىستىككە قول جەتكىزىپ كەلەدى. ولار MIT، KAIST، يەل، كەمبريدج سىندى الەمدەگى ەڭ بەدەلدى ۋنيۆەرسيتەتتەردىڭ ستۋدەنتتەرى»، - دەدى الماتى اكىمى ەربولات دوسايەۆ وليمپيادانىڭ اشىلۋ سالتاناتىندا.
سونداي-قا، قالا اكىمى الماتىدا حالىقارالىق جاۋتىكوۆ وليمپياداسىن وتكىزۋ يگى داستۇرگە اينالعانىن ايتتى. 2005 جىلى العاش رەت وتكىزىلگەن كەزدە 5 مەملەكەتتەن 189 وقۋشى قاتىسقان ەدى. بيىل وليمپياداعا قازاقستان، ءازىربايجان، ارمەنيا، بەلارۋس، رەسەي، قىرعىزستان، وزبەكستان، بولگاريا، تاجىكستان، موڭعوليا، گرۋزيا، سەربيا، ءۇندىستان جانە رۋمىنيانى قوسقاندا، الەمنىڭ 16 ەلىنەن 600-گە جۋىق قاتىسۋشى، 85 كوماندا قاتىسادى.
وليمپيادانىڭ قورىتىندىسى بويىنشا جەكە رەيتينگ، سونىمەن بىرگە، مامانداندىرىلعان مەكتەپتەردىڭ مىقتى كوماندالارىنىڭ رەيتينگى شىعارىلادى. وليمپيادانىڭ جەڭىمپازدارى مەن جۇلدەگەرلەرىنە باعالى سىيلىقتار بەرىلەدى. بۇعان قوسا، جەڭىمپازدارعا سىيلىقتار مەن ءبىلىم بەرۋ گرانتتارى قاراستىرىلعان.
