الماتى قالاسى ادۆوكاتتار القاسىنىڭ ادۆوكاتى جاننا مۇحامادي Cالتانات نۇكەنوۆانىڭ ولىمىنە قاتىستى تەرگەۋ ساراپتاماسى جايلى ويىمەن الەۋمەتتىك جەلىدە ءبولىستى.
ادۆوكاتىڭ ايتۋىنشا، سالتانات نۇكەنوۆانىڭ ءولىمى بويىنشا سوتقا دەيىنگى تەرگەۋدىڭ اياقتالعانى تۋرالى ادۆوكاتتار القاسىنا وتكەن اپتانىڭ سوڭىندا حابارلانعان.
«قازىرگى ۋاقىتتا ءبىزدى ءىس بويىنشا جۇرگىزىلگەن بارلىق ساراپتامالارمەن تانىستىردى. ءبىراق ءبىز قىلمىستىق ءىستىڭ ماتەريالدارىن ءالى تولىق كورگەن جوقپىز. مەنىڭ مۇنداي ىستەردە وتە ۇلكەن تاجىريبەم بار، مەن بۇرىن ادام ولىمىنە قاتىستى ىستەرمەن اينالىسقانمىن، ءبىراق ساراپشىلاردىڭ تۇجىرىمدارى مەنى تاڭ قالدىرىپ وتىر. مەن مۇنداي قاتىگەزدىكتى، سالقىنقاندىلىقتى ەشقاشان كورگەن ەمەسپىن. قازىرگى ۋاقىتتا سالتاناتتىڭ تۋىستارىنا دەگەن قۇرمەتپەن، ءبىز كىسى ءولتىرۋدىڭ ەگجەي-تەگجەيى جايلى ايتا المايمىز. تاراپتار ءىستىڭ ماتەريالدارىمەن تانىسقاننان كەيىن جانە قورعاۋ تۋرالى وتىنىشتەردەن كەيىن ءىس شەشىم قابىلداۋ ءۇشىن پروكۋراتۋراعا جىبەرىلەدى.
پروكۋراتۋرا مەن ءىىم وكىلدەرى باق-قا بۇل ءىس بويىنشا كۇدىكتىنىڭ اعاسى قاماۋعا الىنعانىن مالىمدەدى.
مەن بۇرىن جازعانىمداي، ءبىز ءىستىڭ بارلىق ماتەريالدارىمەن ءالى تانىسقان جوقپىز، ءبىراق تاجىريبەگە سۇيەنە وتىرىپ، كۇدىكتىنىڭ اعاسىنا ق ر قك 434-بابى (قىلمىس تۋرالى حابارلاماۋ) بويىنشا ايىپ تاعىلۋى ءتيىس.
باپتىڭ ديسپوزيسياسى: «جاسالعالى جاتقان نەمەسە جاسالىپ بولعان اسا اۋىر قىلمىس تۋرالى حابارلاماۋ - التى مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا نە سول مولشەردە تۇزەتۋ جۇمىستارىنا نە التى جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى»، - دەيدى ادۆوكات.
ج.ءمۇحاماديدىڭ سوزىنشە، وسى ساناتتاعى ىستەر - قولدانىستاعى قىلمىستىق ءىس جۇرگىزۋ زاڭناماسىنا سايكەس، قىلمىس جايلى حابارلاماۋ كىسى ءولتىرۋ جونىندەگى نەگىزگى ىسپەن بىرگە سوتقا جىبەرىلەدى.