ولاردىڭ كىناسى – جۇرگىزۋشى قۇرامنىڭ كولىك تارتىبىنە ءتيىستى باقىلاۋدى قامتاماسىز ەتپەگەنى.
الماتىدا ەكى اۆتوپاركتىڭ باسشىلارى جاۋاپقا تارتىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
قالالىق اكىمشىلىك پوليسيانىڭ مالىمەتىنشە، جۇرگىزۋشى قۇرامنىڭ كولىك تارتىبىنە ءتيىستى باقىلاۋدى قامتاماسىز ەتپەگەنى ءۇشىن اۆتوكاسىپورىننىڭ 4 لاۋازىمدى تۇلعاسى، ونىڭ ەكەۋى – ءبىرىنشى باسشىلار، اكىمشىلىك جاۋاپكەرشىلىككە تارتىلدى.
«جالپى، جىل باسىنان بەرى اۆتوبۋس جۇرگىزۋشىلەرىنە قاتىستى ءتۇرلى جول ەرەجەسىن بۇزعانى ءۇشىن 250-دەن استام اكىمشىلىك حاتتامالار تولتىرىلىپ، 5 اۆتوبۋس مامانداندىرىلعان كولىك تۇراعىنا ورنالاستىرىلدى. جولاۋشىلار تاسىمالىمەن اينالىساتىن قالالىق كولىك كاسىپورىندارى سانىنىڭ ايتارلىقتاي ازايعانىنا قاراماستان، كەيبىر باسشىلار جول قاۋىپسىزدىگىن قامتاماسىز ەتۋ بويىنشا ءتيىستى شارالاردى قولدانباۋدا. ولار ءالى دە كولىك قوزعالىسىنىڭ قارقىندىلىعى جاعدايىندا كولىك جۇرگىزۋگە بەيىمدەلمەگەن، توتەنشە جاعدايلار تۋعىزاتىن، اۋىر زارداپتارعا اكەپ سوقتىراتىن جول-كولىك وقيعالارىن جاسايتىن ەلىمىزدىڭ باسقا وڭىرلەرىنىڭ تۇرعىندارىن جۇمىسقا الادى»، – دەدى الماتى قالالىق پد اكىمشىلىك پوليسيا باسقارماسىنىڭ باستىعى نۇرلان امانبەك.
جولاۋشىلار تاسىمالىمەن اينالىساتىن كاسىپورىنداردىڭ قىزمەتىن باقىلاۋ جانە قوعامدىق كولىك جۇرگىزۋشىلەرى اراسىندا الدىن الۋ شارالارىن جۇرگىزۋ جالعاساتىن بولادى.