مەيىرجان وتىنشييەۆ، AMANAT پارتياسى الماتى قالالىق فيليالى ءتوراعاسىنىڭ ءبىرىنشى ورىنباسارى
كەشەگى پارتيا كۇنىندە وتكەن سەزد جاڭا تاريحتىڭ باستالۋىمەن تۇسپا-تۇس كەلدى. بۇل پارتيانىڭ AMANAT دەپ جاڭاشا اتالۋى، ونىڭ اتاۋى عانا وزگەرتىلمەي، ءىس جۇزىندە جاسارعانى قۋانتادى. پارتيا جۇمىسى ەلدىڭ مودەرنيزاسيالاۋ كۋرسىندا ونىڭ باسا وزعان، ۇزاق مەرزىمدى سيپاتىن بەكىتۋگە ارنالعان جاڭا ءتۇيىندى باسىمدىقتارعا، جاڭا ماڭىزعا يە بولۋدا.
بۇل رەتتە ەل پرەزيدەنتى قاسىم-جومارت توقايەۆتىڭ باستاماسىنداعى بارلىق وزگەرىستەر تازا اۋانىڭ تىنىسى ىسپەتتى، بيلەۋشى پارتيانىڭ جاڭا ءومىرىنىڭ باستاۋى بولماق. اتالعان وزگەرىستەردىڭ بارلىعى ەل مەن حالىقتىڭ يگىلىگىنە جۇمسالاتىنى ءسوزسىز.
اتالعان ماقساتتا ناقتى ايقىندالعان 7 باسىمدىق بار:
- حالىقپەن كەرى بايلانىس جاساۋ قۇرالدارىنىڭ تيىمدىلىگىن ارتتىرۋ
- پارتيالاستار اراسىندا ىنتىماقتاستىقتى ارتتىرۋ
- پارتيانىڭ جۇمىسىندا اشىقتىقتى ارتتىرۋ
- پارتيالىق باقىلاۋدى كۇشەيتۋ
- پارتيانىڭ باعدارلامالىق قۇجاتتارىن قايتا قاراۋ
- حالىقتىڭ ءار ءتۇرلى توپتارمەن جۇمىس ىستەۋ
- Jas Otan جاستار قاناتىنىڭ جۇمىسىن جەتىلدىرۋ
ۋاقىت تالابىنا سايكەس ءوز قىزمەتىمىزدى قايتا قۇرۋ حالىقپەن كەرى بايلانىستىڭ تيىمدىلىگىن ارتتىرۋ، وزەكتى ماسەلەلەردى حالىق ءۇشىن بارىنشا اشىق ءارى ءادىل شەشۋدى بىلدىرەدى. سونداي-اق، قوعامدىق قابىلداۋلاردىڭ سەرۆيستىك-باعدارلانعان تاسىلگە كوشۋى دە ازاماتتاردىڭ سۇرانىستارىن اقتاۋ، سونىمەن قاتار پارتيالىق جوبالاردى ىسكە اسىرۋدىڭ تيىمدىلىگىن ارتتىرۋ ماقساتىندا باستاۋىش پارتيا بىرلەستىكتەرىنە پارتيالىق جارنالاردىڭ 20% قايتارۋدىڭ پراكتيكاسىن جانداندىرۋ جەرگىلىكتى جەرلەردەگى جۇمىستى اكتيۆتەندىرۋگە مۇمكىندىك بەرەدى.
ءبىزدىڭ ەلىمىزدىڭ دامۋى تۋرالى ايتا وتىرىپ، پرەزيدەنت كورشى ەلدەردە بولىپ جاتقان جاعدايدى دا ەسكەرىپ ءوتتى. تەرەڭ ماعىنا ءبىزدىڭ كورشىلەرىمىزبەن ەكونوميكالىق ءوزارا بايلانىستى شەگەلەۋدە جاتىر. سوندىقتان پارتيالاستارىمىزبەن بىرلىگىمىزدى نىعايتىپ، ليدەرىمىزدىڭ توڭىرەگىندە توپتاسىپ، تۇراقسىزدىق سالدارىنان تۋعان تاۋەكەلدەردى تومەندەتۋ ءۇشىن مودەرنيزاسيالاۋعا جۇمىلا قولداۋ كورسەتۋگە ءتيىسپىز.
ءبىزدىڭ باستى ماقساتىمىز – حالىقتىڭ بىرلىگىن ساقتاۋ، ەلدىڭ وركەندەۋىن قامتاماسىز ەتۋ جانە ەل اماناتىن اقتاۋ.