ءىس-شاراعا ءار ۇلتتىڭ مادەني ورتالىعى قاتىستى.
ىرىس پەن ىنتىماقتىڭ، بەرەكە مەن بىرلىكتىڭ جارشىسىنا اينالعان ۇلىستىڭ ۇلى كۇنىن تويلاۋدا الماتىداعى دوستىق ءۇيى دە قالىسپادى، دەپ حابارلايدى اlmaty-akshamy.kz.
ءىس-شاراعا ءار ۇلتتىڭ مادەني ورتالىعى قاتىستى. مەرەكە اياسىندا ۇلتتىق سپورت تۇرلەرى بويىنشا جارىس وتكىزىلىپ، تاعامدار فەستيۆالى ۇيىمداستىرىلدى. ال ارنايى دايىندالعان «ناۋرىز» كونسەرتتىك باعدارلاماسى كەلگەن كوپشىلىكتى قۋانىشقا بولەپ، مەرەكەلىك كوڭىل-كۇي سىيلادى.
«ناۋرىز مەيرامى – قازاقستاندا ءومىر ءسۇرىپ جاتقان ەتنوستاردىڭ ۇيىتقىسى. بۇگىنگى مەيرام ءبىر-بىرىمىزدى قوسىپ، قازاقستاندىقتاردى العا باستايدى. جاڭا جىل قازاق جەرىندە باقىت اكەلسىن! قازاقستاننىڭ اسپانى ءار ۋاقىتتا بۇگىنگىدەي اشىق بولسىن»، – دەدى ۇلتتىق قۇرىلتايدىڭ مۇشەسى شايماردان نۇرىموۆ.