ەلىمىزدە اليمەنت تولەمەيتىن ازاماتتاردىڭ سانى ارتۋدا

قازاقستاندا 18 ميلليارد تەڭگە اليمەنت تولەنبەگەن. 

قازاقستاندا 221 884 ادام بالالارىنا جالپى سوماسى 18 ميلليارد تەڭگەگە جۋىق اليمەنت تولەمەگەن، دەپ حابارلايدى اlmaty-akshamy.kz

قازاقستان الەۋمەتتىك دامۋ ينستيتۋتىنىڭ وتباسى ينستيتۋتىن زەرتتەۋ ورتالىعى اليمەنت بويىنشا بورىشكەرلەردىڭ جالپى سانى 221 884 ادامدى قۇرايتىنىن، ونىڭ ىشىندە كامەلەتكە تولماعان بالالارىن اسىراۋعا اليمەنت تولەۋشىلەر 215 587 ادام ەكەنىن مالىمدەدى.

«ونىڭ ىشىندە بەرەشەكتى انىقتاۋ تۋرالى قاۋلى شىعارىلعان اتقارۋ وندىرىستەرىنىڭ سانى 28 814 بولسا، ولار بويىنشا بەرەشەك 17 ميلليارد 455 ميلليون تەڭگە»، - دەلىنگەن حابارلامادا.

نەكە بۇزىلعان نەمەسە قارىم-قاتىناس ۇزىلگەن جاعدايدا سەرىكتەستەر اليمەنت مولشەرىن جانە ونى تولەۋ ءتارتىبىن جاسالعان زاڭدى كەلىسىمدەر - نەكە شارتى نەمەسە مەدياسيا كەلىسىمى اياسىندا كەلىسە الاتىنىن ينستيتۋت باسا ايتتى.

«ەگەر تاراپتار كەلىسىمگە كەلمەسە، وندا زاڭ بويىنشا ءبىر بالاعا اتا-اناسىنىڭ تابىسىنان نەمەسە وزگە تابىسىنان 25 پايىز نەمەسە تورتتەن ءبىرى، ەكى بالاعا شامامەن 33،3 پايىزى نەمەسە تابىسى ۇشتەن ءبىرى، ءۇش جانە ودان دا كوپ بالاعا 50 پايىزى تولەنەدى»، - دەلىنگەن حابارلامادا.