الەمدىك جۇلدىز دجەننيفەر لوپەستىڭ الماتىداعى كونسەرتى كەزىندە كورەرمەندەردى تاماقتاندىرۋعا دايىن اۋقىمدى فۋد-كورت جۇمىس ىستەيدى.
اتاپ ايتقاندا، Black Star Burger، Hot Point، اس بولسىن، Chips Pips، تەپليسا، Hot dog time جانە باسقا دا تاماقتانۋ ورىندارى بار. ولار قوناقتارعا ساعات 14:00-دەن تۇنگى 00:00-گە دەيىن ساپالى ءارى الۋان ءتۇرلى تاعام ۇسىنادى.
كەلۋشىلەر فيرمالىق بۋرگەرلەردى، حوت-دوگتاردى، ليمونادتاردى جانە فۋد-كورتتىڭ ءارتۇرلى قاتىسۋشىلارىنان باسقا دا تاعامداردى تاتا الادى. تولىق مازىرگە ءتۇرلى سۋسىندار مەن street food فورماتىنداعى جەڭىل تاعامدار كىرەدى.
“ءبىز J.Lo جانكۇيەرلەرى ءۇشىن كەرەمەت اس ءمازىرىن دايىندادىق، – دەيدى ۇيىمداستىرۋشىلاردىڭ وكىلى. ءموبيلدى تاماقتانۋ ورىندارى كەلۋشىلەرگە بارىنشا ىڭعايلى ورنالاسقان جانە وسىنداي اۋقىمدى ءىس-شارادا جاپپاي قىزمەت كورسەتۋگە تولىق دايىن”.
فۋد-كورت 14:00-دە اشىلىپ، 00:00-گە دەيىن جۇمىس ىستەيدى. بۇل كورەرمەندەرگە ورتالىق ستاديون اۋماعىندا كونسەرت باستالعانعا دەيىن دە، اياقتالعاننان كەيىن دە جايلى ۋاقىت وتكىزۋگە مۇمكىندىك بەرەدى.
ۇيىمداستىرۋشىلار لوگيستيكانى ويلاستىرىپ، ازىق-تۇلىك قورىن كوبەيتتى جانە ارنايى وسى شارا ءۇشىن قوسىمشا قىزمەتكەرلەردى جۇمىلدىردى.
بارلىق فۋد-تراكت كورەرمەندەرگە قىزمەت كورسەتۋگە تولىق دايىن. مۇنداي اۋقىمداعى فۋد-كورت الماتىدا مۋزىكالىق ءىس-شارادا العاش رەت ۇيىمداستىرىلۋدا. كەلۋشىلەر ساپالى تاعامدى ستاديون اۋماعىنان شىقپاي-اق، شوۋ كورىنىسىن وتكىزىپ الماي، تاماشالاي الادى.
انىقتاما: دجەننيفەر لوپەستىڭ كونسەرتى 2025 جىلدىڭ 10 تامىزىندا الماتىداعى ورتالىق ستاديوندا وتەدى. باستالۋى – ساعات 20:00.