الداعى ۋاقىتتا قالانىڭ بىرنەشە اۋدانىندا جاڭا مەكتەپ سالىنادى.
الماتى بيۋدجەتىنەن ءبىلىم سالاسىنا بولىنەتىن قاراجاتقا قوسىمشا 14،3 ملرد تەڭگە قاراستىرىلۋدا.بۇل تۋرالى الماتى اكىمى ەربولات دوسايەۆ ءماسليحات سەسسياسىندا ايتتى، دەپ حابارلايدى Almaty-akshamy.kz.
«حالىق سانىنىڭ ءوسۋى مەن وقۋشى ورىندارىنىڭ تاپشىلىعىن ەسكەرە وتىرىپ، ءبىلىم بەرۋ سالاسىندا قوسىمشا 14،3 ملرد تەڭگە قاراستىرىلۋدا. بۇل قاراجات ناۋرىزباي، تۇركسىب جانە الاتاۋ اۋداندارىندا 7 500 ورىندىق 5 مەكتەپ سالۋعا (5،5 ملرد تەڭگە)، سونداي-اق 19 ءبىلىم بەرۋ وبەكتىسىنە (15 مەكتەپ، 4 بالاباقشا) جوبالاۋ-سمەتالىق قۇجاتتامانى ازىرلەۋگە باعىتتالادى»، - دەدى ەربولات دوسايەۆ.
سونىمەن قاتار، اكىمنىڭ ايتۋىنشا، مۇعالىمدەرگە عىلىمي دارەجەلەرى، تالىمگەرلىك، كەشكى ۋاقىتتا جانە مەكتەپكە دەيىنگى وقىتۋ ءۇشىن قوسىمشا اقى تولەۋ (1،7 ملرد. تەڭگە) ارقىلى پەداگوگتەرگە قولداۋ كورسەتىلەدى.
«ويتكەنى بۇل شىعىندار قازىرگى جان باسىنا قارجىلاندىرۋ شىعىستارىنا كىرمەيدى. بۇدان باسقا، مەملەكەتتىك ءبىلىم بەرۋ ۇيىمدارىنىڭ جىلۋ بويىنشا بەرەشەگىن وتەۋ ءۇشىن ءبىز 2 ملرد تەڭگەنى كوممۋنالدىق قىزمەتتەردىڭ اقىسىن تولەۋگە جىبەرەمىز»،- دەدى قالا اكىمى.