قالادا وتكەن بوس جۇمىس ورىندار جارمەڭكەسىندە 87 ادامعا جولداما بەرىلدى.
الماتىدا پروباسيا ەسەبىندە تۇرعان ازاماتتار جۇمىسپەن قامتىلىپ جاتىر، دەپ حابارلايدى Almaty-akshamy.kz Almaty.tv سىلتەمە جاساپ.
الاتاۋ اۋدانىندا وتكەن بوس جۇمىس ورىندار جارمەڭكەسىندە 87 ادامعا جولداما بەرىلدى. وعان 19 كاسىپورىن مەن ۇيىمدار قاتىستى. شارانى وتكىزۋدەگى ماقسات – پروباسيالىق باقىلاۋدا جۇرگەن ازاماتتارعا الەۋمەتتىك كومەك كورسەتۋ.
«ءقازىر ەسەپتە 520 ادام تۇر. ولاردىڭ 80 پايىزى جارمەڭكەگە قاتىستى. باقىلاۋداعى ازماتتاردىڭ دۇرىس جولعا تۇسۋىنە ىقپال ەتۋ ماقساتىندا وسى شارانى ۇيىمداستىردىق. جۇمىس ناتيجەلى بولادى دەپ سەنەمىن»، – دەدى الاتاۋ اۋدانى پروكۋراتۋراسىنىڭ ءبولىم پروكۋرورى ايبار قازەزوۆ.
«ءوزىمنىڭ نەگىزگى ماماندىعىم – دانەكەرلەۋشى. سول بويىنشا جۇمىس تاپتىم. اللا قالاسا جۇمىسقا شىعامىز دەگەن ويدامىز»، – دەدى ءادىل يمانعالييەۆ.