ناۋرىز يۋنەسكو كولەمىندە مەرەكەلەنەدى
كۇن مەن ءتۇن تەڭەسكەن كوكتەم مەرەكەسى بۇۇ-نىڭ حالىقارالىق كۇنتىزبەسىنە جانە دۇنيەجۇزىلىك مادەني مۇرا تىزىمىنە قوسىلعان. پاريجدەگى يۋنەسكو ۇيىمىنىڭ شتاب-پاتەرىندە ناۋرىز مەيرامىن اتاپ ءوتتى، دەپ حابارلايدى Almaty-akshamy.kz 24.kz-كە سىلتەمە جاساپ.
وعان 182 مەملەكەتتىڭ وكىلدەرى شاقىرىلىپ، ولاردى ناۋرىز ۇلتتىق مەيرام سانالاتىن ەلدەردىڭ دەلەگاسيالارى قارسى الدى. ءداستۇرلى مۋزىكا، تاعامدار، كيىم، اشەكەيلەر مەن ىدىس. ناۋرىز تۇركى جانە پارسى ەلدەرى مادەنيەتتەرىنىڭ الۋان تۇرلىگىن كورۋگە مۇمكىندىك بەرەدى. ارنامىزعا بەرگەن سۇحباتىندا يۋنەسكو ۇيىمىنىڭ باس ديرەكتورى قازاقستان حالقى ۇلىستىڭ ۇلى كۇنىمەن قۇتتىقتادى.
«يۋنەسكو-دا ۇلى مەيرام – ناۋرىزدى تويلاپ جاتقانىمىزعا وتە ريزامىن. بۇل راسىندا قازاقستان، ورتالىق ازيا مەن وزگە دە ەلدەر ءۇشىن ۇلكەن مەرەكە. ەڭ الدىمەن بۇل بەيبىتشىلىك سيمۆولى. كوپتەگەن ەلدەر ءۇشىن قيىن ساتتە بۇل مەيرام – بەيبىتشىلىك جولداۋى. بارلىعىن مەيراممەن قۇتتىقتايمىن! ناۋرىز قۇتتى بولسىن! يۋنەسكو-مەن بىرگە وسى مەيرامدى اتاپ جاتقاندارىڭىزعا كوپ راحمەت!» - دەدى يۋنەسكو ۇيىمىنىڭ باس ديرەكتورى ودرە ازۋلە.