بۇل تۋرالى باقىتجان ساعىنتايەۆتىڭ توراعالىعىمەن الماتىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسىندا اكىمنىڭ ورىنباسارى ەرجان باباقۇماروۆ ايتتى، دەپ حابارلايدى اlmaty-akshamy.kz
قازىرگى ۋاقىتتا 71 مىڭنان استام بالانى قامتيتىن 860 مەكتەپكە دەيىنگى ۇيىم - 190 مەملەكەتتىك جانە 670 جەكە مەنشىك ۇيىم 20 قاڭتاردان باستاپ شتاتتىق رەجيمدە ءوز جۇمىسىن قايتا باستادى. بالاباقشالارعا 47 255 بالا بارادى (مەملەكەتتىك - 21 337، جەكە - 25 918).
اكىم ورىنباسارىنىڭ ايتۋىنشا، ءبىلىم باسقارماسى كۇن سايىن بالالاردىڭ كەلۋىنە جانە بالاباقشالاردا سانيتارلىق تالاپتاردى قامتاماسىز ەتۋگە مونيتورينگ جۇرگىزۋدە.
24 قاڭتاردان باستاپ، قازاقستان رەسپۋبليكاسى باس مەملەكەتتىك سانيتارلىق دارىگەرىنىڭ اعىمداعى جىلعى 21 قاڭتارداعى قاۋلىسىنا سايكەس، كونتينگەنتى 302 مىڭنان استام وقۋشىسى بار 295 مەكتەپتىڭ (207 مەملەكەتتىك، 88 جەكە) وقۋشىلارى ارالاس فورماتتا وقۋعا كىرىستى.:
- 600 وقۋشىعا دەيىن كونتينگەنتى بار 1-4 سىنىپتاردا، 115 مەكتەپتە (32 مەملەكەتتىك، 83 جەكە) - شتاتتىق رەجيمدە وقىتۋ؛
- كونتينگەنتى 600 وقۋشىدان اساتىن 180 مەكتەپتە (175 مەملەكەتتىك، 5 جەكە مەنشىك) - مەكتەپتەردىڭ جوبالىق قۋاتىنىڭ 50%-نان اسپايتىن جۇكتەمەمەن شتاتتىق فورماتتا.
بۇدان باسقا، جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان 6 ۇيىمنىڭ 354 تاربيەلەنۋشىسى شتاتتىق رەجيمدە وقيتىن بولادى.
مەكتەپتەردە سانيتارلىق تالاپتاردىڭ ساقتالۋى ەرەكشە باقىلاۋدا، اتا-انالار اراسىندا ءتۇسىندىرۋ جۇمىستارى جۇرگىزىلۋدە.
24 قاڭتاردان باستاپ 83 كوللەدجدىڭ 73 719 ستۋدەنتى (23 مەملەكەتتىك، 60 جەكە مەنشىك) وقۋدى باستادى. ولار ءۇشىن وقىتۋدىڭ ارالاس فورماتى قاراستىرىلعان: پراكتيكالىق ساباقتار يكەمدى كەستە بويىنشا وفلاين، دارىستىك ساباقتار ونلاين رەجيمدە وتكىزىلەدى.
وسىنداي فورماتتا 24 مىڭنان استام وقۋشىنى قامتي وتىرىپ، 23 قوسىمشا ءبىلىم بەرۋ ۇيىمى ءوز جۇمىسىن جالعاستىرۋدا.
كەرى بايلانىستى قامتاماسىز ەتۋ ءۇشىن ءبىلىم باسقارماسىندا، اۋداندىق ءبىلىم بولىمدەرىندە جانە ءار ءبىلىم بەرۋ ۇيىمىندا Call-ورتالىقتار جۇمىس ىستەيدى.