22 قاڭتاردان باستاپ قالانىڭ 5 اۋدانىندا «دەمالىس كۇنگى» ازىق-تۇلىك جارمەڭكەسىنىڭ قىزمەتى قايتا جانداندى
الماتى اكىمىنىڭ ورىنباسارى ماقسات قيقىموۆ باقىتجان ساعىنتايەۆتىڭ توراعالىعىمەن وتكەن الماتى قالاسىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسىندا سويلەگەن سوزىندە وسى جانە باسقا دا ماڭىزدى شارالار تۋرالى ايتىپ بەردى، دەپ حابارلايدى اlmaty-akshamy.kz
اكىمنىڭ ورىنباسارى 9 قاڭتاردا ءۇي جانىنداعى دۇكەن سورەلەرىندە ءونىم تاپشىلىعىن بولدىرماۋ ماقساتىندا ازىق-تۇلىكتى تومەن باعامەن جەتكىزۋگە وتىنىمدەردى قابىلداۋ بويىنشا جەدەل جەلى قۇرىلعانىن حابارلادى.
اعىمداعى جىلعى 24 قاڭتارداعى جاعداي بويىنشا، 120 ءوتىنىم الىندى جانە 90 توننا ءونىم تيەلدى، ونىڭ ىشىندە 85،2 توننا باكالەيا ونىمدەرى (كۇنباعىس مايى، 1-سۇرىپتى ۇن، قاراقۇمىق جارماسى، قانت) 4،8 توننا جۇمىرتقا.
قازىرگى ۋاقىتتا قالانىڭ بارلىق اۋداندارىندا ۆ، س كلاستى دۇكەندەردى قامتۋدى ۇلعايتۋ ءۇشىن وتىنىمدەردى قابىلداۋ جالعاسۋدا.
ماقسات قيقىموۆتىڭ ايتۋىنشا، ءامات باعاسىن تۇراقتاندىرۋ بويىنشا جۇمىس ەرەكشە باقىلاۋدا.
22 قاڭتاردان باستاپ اپتا سايىن قالانىڭ 5 اۋدانىندا (المالى، مەدەۋ، بوستاندىق، الاتاۋ، اۋەزوۆ) «دەمالىس كۇنگى» ازىق-تۇلىك جارمەڭكەلەرى قايتا باستالادى. وعان الماتى وبلىسىنىڭ جاقىن اۋداندارىنىڭ اۋىل شارۋاشىلىعى تاۋارىن وندىرۋشىلەرى، سونداي-اق الماتى قالاسىنىڭ ازىق-تۇلىك كاسىپورىندارى قاتىسادى.
بۇدان باسقا، الماتىدا كوكونىس الەۋمەتتىك دۇكەندەرىنىڭ ۇلگىسى بويىنشا 5 بازاردا («جۇلدىز»، «وربيتا»، «تاۋ سامالى»، «ارىستان»، تاستاق) ەت دۇكەندەرى ىسكە قوسىلدى. وندا سيىر ەتىنىڭ كەۋدە-جاۋىرىن بولىگى 2050 تگ/كگ-نان ساتىلادى، بۇل ورتاشا نارىقتىق باعادان (قق-2325 تگ/كگ) 13،5%-عا تومەن.