باقىتجان ساعىنتايەۆتىڭ توراعالىعىمەن وتكەن الماتىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسىندا اكىمنىڭ ورىنباسارى ەرجان باباقۇماروۆ سپورت، مادەنيەت جانە ونەر مەكەمەلەرىنىڭ جۇمىس ىستەۋى، سونداي-اق ۆولونتەرلىك ۇيىمداردىڭ جۇمىسى تۋرالى ايتىپ بەردى، دەپ حابارلايدى اlmaty-akshamy.kz
اكىم ورىنباسارىنىڭ ايتۋىنشا، بۇگىندە قالانىڭ بارلىق ۇيىمدارى مەن سپورت نىساندارى شتاتتىق رەجيمدە جۇمىس ىستەۋدە. الماتى قالاسىنىڭ باس مەملەكەتتىك سانيتارلىق دارىگەرىنىڭ جاڭا قاۋلىسىنا سايكەس، سانيتارلىق-ەپيدەميولوگيالىق نورمالاردى ساقتاي وتىرىپ، بارلىق وقۋ-جاتتىعۋ پروسەستەرى قايتا جانداندى.
بۇگىندە الماتىدا 19 تەاتر جۇمىس ىستەيدى، ونىڭ 10-ى مەملەكەتتىك جانە 9-ى جەكە مەنشىك. بارلىعى 10 كونسەرتتىك-ويىن-ساۋىق، دەمالىس ۇيىمىنىڭ ىشىندە 6-اۋى رەسپۋبليكالىق جانە 4-ەۋى قالالىق ۇيىمدار.
الماتى قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس، بارلىق مادەنيەت جانە ونەر مەكەمەلەرىندە ءىس-شارالار وتكىزۋ توقتاتىلدى. مادەنيەت باسقارماسىنىڭ ۆەدومستۆولىق باعىنىشتى مەكەمەلەرى شەكتەۋلى جۇمىس رەجيمىنە كوشتى-شتاتتىق قىزمەتكەرلەردىڭ 70-80% ونلاين جۇمىس ىستەيدى. وفلاين رەجيمدە تەك الماتى قالاسىنىڭ زوولوگيالىق پاركى مەن مۇراعاتى جۇمىس ىستەيدى.
الماتىدا سانيتارلىق-ەپيدەميولوگيالىق احۋالدىڭ ناشارلاۋىنا بايلانىستى عيبادات وبەكتىلەرىندە (مەشىتتەر، شىركەۋلەر، حرامدار جانە ت.ب.) ۇجىمدىق قۇدايعا قۇلشىلىق ەتۋگە (جۇما نامازى، جەكسەنبى جينالىستارى جانە ت. ب.) تىيىم سالىنعان.
ە. باباقۇماروۆ قالانىڭ ۆولونتەرلىك ۇيىمدارىنىڭ جۇمىسى تۋرالى ايتا كەلىپ، اعىمداعى جىلدىڭ 10 قاڭتارىنان باستاپ قالالىق ۆولونتەرلىك شتابتىڭ جۇمىسى باستالعانىن اتاپ ءوتتى.
كەز كەلگەن كومەك كورسەتۋگە نيەت بىلدىرگەن مۇقتاج ازاماتتار مەن قالا تۇرعىندارىنان 800-دەن استام قوڭىراۋ ءتۇستى.
اعىمداعى جىلى 10-21 قاڭتار ارالىعىندا كۇندىزگى ۋاقىتتا شتاب جاتاقحانالاردا، كوممۋنالدىق قىزمەتتەرگە، جاتاقحانادا تۇراتىن ستۋدەنتتەرگە، اسكەري قىزمەتشىلەر مەن بالالار ءۇيىنىڭ تاربيەلەنۋشىلەرىنە 7 مىڭنان استام ىستىق تاماق تاسىمالدادى. سونداي-اق، مۇقتاج الماتىلىقتارعا 500-گە جۋىق ازىق-تۇلىك پاكەتى تاراتىلدى.
الماتى قالاسىنىڭ ەتنومادەني بىرلەستىكتەرى قۇقىق قورعاۋ ورگاندارىنىڭ، 4ء-شى قالالىق اۋرۋحانانىڭ جانە باسقا دا قالالىق اۋرۋحانالاردىڭ قىزمەتكەرلەرىنە 5،5 ملن تەڭگەگە ازىق-تۇلىك سەبەتى تۇرىندە قايىرىمدىلىق كومەك كورسەتتى.