الماتى قالاسى بويىنشا قىلمىستىق-اتقارۋ جۇيەسى دەپارتامەنتىنە قاراستى №11 مەكەمەنىڭ رەجيم جانە كۇزەت ءبولىمى باستىعىنىڭ ورىنباسارى ادىلەت مايورى ماقسات مۇراتبايەۆ پەن تاربيە ءبولىمىنىڭ قىزمەتكەرى ەركەگۇل جەڭىسحان الماتى تەحنولوگيا جانە فلوريستيكا كوللەدجىنىڭ ستۋدەنتتەرىنە ءدارىس ءوتتى. 
"جاسوسپىرىمدەردىڭ قىلمىستىق جاۋاپكەرشىلىگى" دەگەن تاقىرىپ توڭىرەگىندە وتكەن ساباقتىڭ ماقساتى – جەتكىنشەكتەردىڭ قۇقىقتىق ساۋاتىن ارتتىرۋ، مەملەكەت باسشىسىنىڭ ەلىمىزدە "زاڭ جانە ءتارتىپ" قاعيداتىن ءبىرجولا ورنىقتىرۋ تۋرالى تاپسىرماسىنا ءۇن قوسۋ. "جاستارعا زاڭ مەن ءتارتىپ تۋرالى ۇدايى اڭگىمەلەپ وتىرۋدىڭ ارتىقتىعى جوق. ويتكەنى قۇقىقتىق تاربيە ولاردىڭ بولاشاقتا زاڭ بۇزباي، قىلمىسقا ۇرىنباي، جاقسى ءومىر سۇرۋىنە، قوعامنان ءوز ورنىن تابۋىنا ىقپال ەتەرى ءسوزسىز. ءبىز بۇگىن ستۋدەنتتەرگە بارشامىز زاڭ مەن ءتارتىپتى ساقتاي بىلسەك، ەلىمىزدىڭ ەكونوميكالىق-الەۋمەتتىك دامۋىنا دا ۇلەس قوسا الاتىنىمىز جايلى دا ايتتىق"، – دەيدى ادىلەت مايورى ماقسات ميراحۋن ۇلى.
بالالار كولونياسىنىڭ وكىلدەرى ستۋدەنتتەردىڭ زاڭ، قۇقىق، ازاماتتىق جاۋاپكەرشىلىك تۇرعىسىندا قويىلعان ساۋالدارىنا دا جاۋاپ بەردى.